Nimin chawhma dar 10:30Am khan Doubling Farmer's Income by, 2022 programme kal zel hnuaiah Joint Visit of District Level Coordination Committe, Siaha chu Riasikah khua ah hman a ni.
He programme hi Dr. H. Vanlhmuliana, Senior Scientist & Head, KVK chuan kaihruaiin Pi. B. Malsawmtluangi, SDO(S) chuan khuallian niin he hun hi a hmanpui bawk.
Khuallian Pi. B.Malsawmtluangi chuan thusawiin Farmer's Income a let a alo pung theih nan Siaha Deputy Commissioner chu he programme-ah hian chairman anih angin DC Office chuan a kil tin atangin mipui te leh line department te a vil reng dawn a ni, a ti.He programme a hlawhtlin theih nan mipui te leh sorkar lam nasa taka tan lak a pawimawh thu a tarlang bawk.
Vawiin hun hman-ah hian Riasika V.C.P Pu. K. Khalua chuan thusawina hun hmangin Doubling Farmer's Income Programme hi a hlawhtlin ngei theih nan mipui ten nasa taka tan an lak tur thu a sawi bawk.
He doubling farmer's Income Programme hmanna-ah hian Pu.Zoramthanga, DAO, Pu. Remrela, ADHO, Pu. Lalduailova, AFO, Pi.Galili Technical Expert, DRDA Pi. S. Sisi, Scientist (Horticulture),KVK leh Pi. C. Rachael, Scientist,( Plant Protection) KVK te pawh tel ve in, an mahni line theuhvah fuihna thu an sawi ve bawk a ni.
Nimin programme- ah hian farmer te leh line department ten inkawmhona hun an neih bakah, action plan siam dan tur sawihona leh duan lawkna hun hman niin mipuiin an hlawkpui hle a ni.
He hunah hian DAO in Chana chi mipui te hnenah sem in AFO pawh in sangha enkawl dan lehkhabu khawtlang hruaitute hnenah a hlan bawk.
