Vawiin chawhma dar 11:00Am  khan Doubling Farmer's Income by 2022 programme kal zel hnuaiah Joint Visit of District Level Coordination Committe, Siaha chu Noaotlah-III (KM 10) khua ah  hman a ni.

He programme hi Dr. H. Vanlhmuliana, Senior Scientist & Head, KVK chuan kaihruaiin Doubling Farmers Income chungchang sawizauna a nei a, Pu. C. Ramrela, ADHO chu khuallian niin he hun hi a hmanpui bawk.

Pathian hnena hun hlanna Pu. Jerry T. Mualchin, HA, DC Office in a neih hnuah Khuallian Pu. C. Ramrela chuan thu sawiin Farmer's Income a let a alo pung theih nan line department zawng zawng te leh mipui te thawh ho na tha nei turin a chah a, scheme dang te pawh tha taka lo hlawhtlinpui tawh khua an nih angin he programme pawh an hlawhtlin ngei a beisei tlat thu a sawi a ni.

Vawiin hun hman-ah hian KM 10  V.C.M. Pu. N. Lalsiama pawhin thusawina hun hmangin Doubling Farmer's Income Programme  hi a hlawhtlin ngei theih nan mipui ten nasa taka tan an lak tur thu a sawi bawk.

He doubling farmer's Income Programme hmanna-ah hian Pu. Vabeilaiku Chozah, AEO, Pu. Jerry T. Mualchin, Head Assistant, DC Office, Pu. Lalramzawnchhuaha, FEO, Pi.C. Galili, Technical Expert, DRDA, Pi. S. Sisi, Scientist (Horticulture),KVK, Pi. C. Rachael, Scientist,( Plant Protection) KVK te bakah ATMA lam atangin Pu. J.V. Lalremruata, BTM, Pu. Jimmy Lallianzuala, ATM leh Pu. C. Zoremthanga, Accountant te pawh tel ve in, an mahni line theuhvah fuihna thu an sawi vek bawk a ni.

Vawiin programme- ah hian farmer te leh line department ten inkawmhona hun an neih bakah, action plan siam dan tur sawihona leh duan lawkna hun hman niin mipuiin an hlawkpui hle a ni.

Nimin Dt 23.9.2019 khan he programme hi Pi. B. Malsawmtluangi, SDO(Sadar) ho in Riasikah khuaah hman a lo ni tawh bawk.