442/2024-2025

Aizawl, the 9th May 2024: Vawiin khan Auditorium, Mizoram University (MZU)-ah Khuallian niin National Level Workshop, "Artificial Intelligence based Financial Empowerment for Mizoram" tih chu Governor Dr Hari Babu Kambhampati chuan khuallian a ni.

Governor Dr Hari Babu Kambhampati, Chief Rector of MZU tunlai khawvelah Artificial Intelligence tangkaina kan mit in kan hmu vek a. Kan nitin nuphungah awlsam nasa takin a thlen a, a tha zawng leh a tangkai zawnga Mizoram tan hman a nih theih nana MZU leh NIT Mizoram mithiam te hmalakna chu thil ropui tak a ni a ti. Mizoram tan bik AI based Financial Technology Projects 11 kalpui mek chu Mizoram mila mipuite tan chhawr tangkai theih chi niin a hriat thu a sawi a. Project Investigator leh Co-Project Investigators te thawhrimna leh remhriatna te chu mipui tan vanneihna, hnathawh leh khawsak tiawlsamtu a la ni thuai dawn tih a sawi. MZU leh NIT Mizoram hotute chu hetiang hmalakna pawimawh bikah te hian nasa zawk a zirbingna kalpui tur leh Patent pawh neih belh zel tura tan la chhunzawm turin a fuih bawk.

Full Speech Of Governor: https://dipr.mizoram.gov.in/post/governor-dr-hari-babu-kambhampati-inaugurates-national-workshop-on-ai-based-financial-empowerment-for-mizoram-at-mizoram-university

Department of Science and Technology (DST) kaihhruaina hnuaiah National Mission on Interdisciplinary Cyber-Physical Systems (NM-ICPS) chuan IIT Bhilai hnenah Technology Innovation Hub (TIH) host turin sum a pe a.  Tunah hian IIT Bhilai hian   Financial Technology huangah  Mizoram University hnenah Project 6 leh NIT Mizoram hnenah project 5   kalpuina atan  sum a pe a ni.  National Seminar hawnna program neih chhung hian MZU hnuaia project pakhat, “Sustainable Smart Parking Solution for Aizawl City”, chu thlirho a ni a. He project hi Project Investigator : Dr Morrel VL Nunsanga, Asst Professor,  Co-PI: Dr Rakesh Matam, Assoc Professor, Dr R.Lalchhanhima, Asst Professor leh Pi Vanlalmuansangi Khenglawt, Asst Professor te buatsaih a ni a  He Mobile Application kaltlang hian awlsam zawkin lirthei khalh ten lirthei hunna tur an hmu zung zung thei dawn a ni. Hawnna program zawhah hian  Technical session neih a ni chhunzawm a. He session chhung hian MZU-in project 6 kalpui mek te chu  thlirho a ni a, sawiho leh inrawnkhawmna neih a ni bawk a ni.

National Workshop hawnna hun hi Prof Ajoy Kumar Khan, Department of Computer Engineering leh  workshop coordinator chuan lawmthu sawina hmangin  ṭan a.  He hunah hian Prof Sudipta Chattopadhyay, Dean, School of Engineering and Technology, Prof Pravakar Rath, Acting Vice Chancellor, Prof Lalnundanga, Registrar leh Prof Santosh Biswas, Project Director, IBITF, IIT Bhilai ten thu an sawi a. Dr R.Chawngsangpuii, Assoc Professor, Department of IT, MZU chuan lawmthu sawiin huntawp a khar thung.