443/2024-2025

Dated Saitual the 9th May, 2024: Vawiin khan Dr Lalngura Tlau, Saitual DC chuan Saitual District chhunga khua pahnih Sihfa leh Khanpui khuate a tlawh a, FOCUS a line Department aiawhten DC hi an tawiawm bawk a ni.

Sihfa khuaah hian khawtlang hruaituten lo dawngsawngin FOCUS hnuaia huan thlai nghet nei tura chhungkaw 15 thlan chhuahte hmalakna te thlir ho a ni a, DC chuan FOCUS hnuaia an hmalak na ah te  line department ten theihtawp an chhuahpui zel tur thu a sawi a. Mipuite chu ram an neih danah pawh tichhe zel lova, hmun nghet neih zel chu an inzirtir a ngai a, chhungkaw tam zawk inkhaichhuah dan turte ngaihtuaha beih hram hram a, mipuite income a san phaha, zirna tha an neih theihna atana hmalak zel dan tur  ah pawh an ngaihtuahna thuk taka seng  tur in a sawm a ni. Sihfa khua chu saitual chheh vel khuaah chuan thlai thar tam leh thawhhlawk tak an nih thu sawiin lawmawm a tih thu a sawi bawk.

Vawiin a heng khaw hnih tlawh na program ah hian Line department lam atanga hma lak na hrang hrang link road laihte, chinai thi sem te, thlai chi sem, tanky siam, terrace siam, nursery siam bakah  ranvulh lamah vawkte, arnote leh kel note semte thlengin an hmalakna te en ho a ni.

DC chuan  khanpui khua a Multipurpose Co-operative Society ten FOCUS puihna hnuaia Market  Access facility- 25 lakh senga an din chu tlawh nghalin mipuite tan ranchaw siamna hmun tha taka an kalpui thei chu lawmawm a tih thu sawi.

Khanpui Multipurpose Co-Operative Society te hian kum 2023 ah bul ṭanin ranchaw 110qtl an thar chhuak a, 2024 ah  pawh vaimim chi tha leiin a thlawnin memberte hnenah an pe thin bawk a ni. Tunah hian Khanpui Multipurpose society Board of Directors enkawlna hnuaiah 297 shareholder awmin, nominal member 62 an awm mek a ni. Heng bakah hian Khanpui Multipurpose Coperative Society Ltd hian PACS, CONSUMER store, FPO (animal husbandary) Funded by Nabard te an enkawl bawk a ni.

DC chuan Khanpui khua a Cold storage dah thar chu tlawh nghalin he Cold storage hi Lailak leh khanpui khuaa tomato chingtute tana an siam a ni. Khanpui Multipurpose Co-Operative Society Ltd hnuaia PACS (Primary Agriculture Credit Society) pawh  tlawh nghalin Society hruaitute nen inkhawmhona an nei nghal a ni.