441/2024-2025

Hnahthial the 9th May 2024: District Skill Development Committee, Hnahthial-te chuan vawiin khan DC Meeting Hall, Rallangtlang-ah Addl Deputy Commissioner, Pu Zothanmawia Khiangte kaihhruaiin thutkhawmna an nei.

Meeting kaihruaitu Addl DC Pu Zothanmawia Khiangte chuan kalkhawmte chu inhmelhriattirna neih puiin meeting ngai pawimawha kal te hnenah lawmthu a sawi. Vawiin thutkhawm-ah hian kum hmasa lama Skill Development lo kalpui tawh dan te ngaihthlak ho niin thalaiten eizawnna ngelnghet an neih theih nan sorkar laipui scheme-te nena tangkawpa sum hailuh theihna zawnchhuaha, thiamthil hrang hrang zirna tur ruahman a pawimawh thu tarlan a ni bawk. Vawiin thutkhawmah hian ruahmanna fel fai tak siam a, Hnahthial District tana Skill Development Plan siam turin Core Committee din nise tih niin a hnuaia tarlan te hi member a ruat an ni.

1) Chairman- Deputy Commissioner
2) Member Secretary- Sub Deputy Commissioner
3) Asst Secy- Dr K Lalzuimawia, Asst Professor, Hnahthial Govt College
4) BDO-Member
5) DAO-Member
6) DHO-Member
7) DVO-Member
8) Senior Scientist & Head KVK-Member
9) Principal SAS-Member