862/2023-2024

Aizawl, the 21st June 2023: Tukin zingkarah khan Rajiv Gandhi Stadium, Mualpuiah 9th International Yoga Day chu khawvel hmun hrang hrang te rualin hman a ni a. He hun hi Governor Dr Hari Babu Kambhampati leh Lady Governor Dr Jayashree Kambhampati te chuan an hmanpui a ni. Kumina International Yoga Day atana thupui chu, “ Yoga for Vasudhaiva Kutumbakam( Khawvel inpumkhatna atan Yoga)”, tih a ni. Mizoramah pawh he ni hi Hospital leh hmun thenkhatah te hman a ni.

Governor Dr Hari Babu Kambhampati chuan Yoga chu Khawvel pumah hriat a hlawhin taksa tih hriselna atan te mi tam takin an hmang mek a. India in midangte mamawh leh midang tana thil tangkai a pekchhuah pawimawh tak tak zinga pakhat a ni a ti. Governor chuan Mizoramah kan nitin khawsak phung avangin zunthlum, cancer te vei kan tam em em a. Heng bakahah hian kan thalaite zingah rilru lama harsatna – anxiety, depression leh a dangte vei an pung zel a. Heng kan harsatna te atanga kan fihlimna turin leh a tihdamna atan Yoga hmanga taksa sawizawi hi kan tih theih chuan a hlawkna kan tel ngei ang a ti.

Full Text of Governor’s Speech: https://dipr.mizoram.gov.in/post/speech-of-dr-hari-babu-kambhampati-honble-governor-of-mizoram-on-the-occasion-of-9th-international-day-of-yoga-at-rajiv-gandhi-stadium-mualpui-on-21st-june-2023

Pi Esther Lal Ruatkimi, Principal Secretary, Health Department hnen atangin he hun hman a nih chhan leh Yoga Day Mizorama kan lo hman thin dan te thuhmahruai ngaihthlak a nih hnuah program hi tan a ni a. Hemi hnuaah hian khualzahawm Pu Ajay Choudhary, ADGP leh Chief Secretary Dr Renu Sharma ten thu an sawi a. Thusawi ngaihthlak a nih hnuah Yoga Exercise lak danah Demonstration neih a ni a. A hnuah a ruala Yoga hmanga insawizawina hun - common Yoga protocol neih a ni. Governor te nupa leh sawmbik mi pawimawh te pawhin Yoga Day puala taksa insawizawi runpui hi an zawm ve a ni. Insawizawina neih hnu hian Dr PC Lalramliana, Director, Directorate of AYUSH, Government of Mizoram chuan lawmthu sawiin huntawp a khar thung a ni.