1865/2023-2024

Aizawl, 13th September 2023: Vawiin khan Ayushman Bhava Campaign chu India President Smt Droupadi Murmu-in a hawng a. He hun hi Governor Dr Hari Babu Kambhampati chuan State Level program huaihawtna hmun, Conference Hall, Legislative Assembly Annexe building atangin Video Conference kaltlangin a chhim a ni. National Level launching program hawn zawhah hian State Level Physical Launching Program buatsaih chhunzawm a ni a. Dr.R.Lalthangliana, Health Minister leh Health Department official te bakah sawmbik te pawh an tel a ni.

National level launch programme zawh a nih hnu hian state level-ah physical launch programme chu Conference Hall, Legislative Assembly Annexe building ah hian neih chhunzawm nghal a ni.

Governor Dr Hari Babu Kambhampati chuan Ayushman Bhava Campaign a thil tum pawimawhna a sawi a. Ayushman Bhava hmang hian nasa takin beihpui thlak a ni dawn a. Khawtinah leh mitin te ban phakin healthcare services hrang hrang te chhawpchhuah leh hemi kawnga mamawhna te zawng zawng tihhlawhtlin vek tum a ni a ti.

He hunah hian Governor chuan kan ngaihven vak loh, inkaichhawn theih ni chuang si lo, kan khawsak phung leh ei leh in kan uluk loh avanga natna hrang hrang mi tamtakin kan vei mek – Zunthlum, thisen sang, Cancer, Lung Natna, Chuap Natna leh a dang te hi mi tam takin an thihpui mek a. Hemi kawngah hian inzirtirna uar zawka kalpui a ngai a ti. Governor chuan a lo sawi tawh thin angin TB natna vei ten eitur – chaw tha an hmuh theihna turin PM TB Mukt Bharat Abhiyan kaltlangin Damlo mamawh chaw tha petu( Nikshay Mitra) a nih theih tih a sawi a. Mi thilphal tak tak te an lo penchhuak zel chu lawmawm a tih thu sawiin midang pawh he rawngbawlna huangah hian rawn tel zel turin a sawm nghal bawk a ni.

Governor chuan Health Department leh Department danga official-te chu Ayushman Bhava Campaign hnuaia heng health care scheme leh service hrang hrang te bakah social security scheme dang tam tak, PM Jeevan Jyoti Bima Yojana, PM Suraksha Bima Yojana, Atal Pension Yojana, leh a dang te a mamawh tu ten an dawn theihna tura thawk tu ni turin a chah a. He Campaign a puitlina tur hian Kohhran, Tlawmngai pawl hrang hrang te leh mitin te sawrkar thawhpuiah a sawm bawk.

Full Speech of Governor : dipr.mizoram.gov.in/post/speech-of-dr-hari-babu-kambhampati-honble-governor-of-mizoram-on-the-occasion-of-launch-of-ayushman-bhavah-campaign-at-assembly-annexe-building-on-13th-september-2023

Dr R. Lalthangliana, Health Minister pawhin he hunah hian thu a sawi a. Vawiina India President in a hawn tak Ayushman Bhava Campaign chu theih tawp chhuahin kalpui a ni ni dawn tih a sawi. He campaign hi a hautak dawn a, Health Department chuan thlawpna tha tak a lo dawn thin angin mimal, pawl, kohhran leh khawtlang anga thawpuina tha a awm phawt chuan he campaign hi a hlawhtling ngei dawn a ni a ti.

He hun remchang a lain Health Minister chuan Health Department-in a hlawhtlinna lian tham thenkhat a hmuh te a tarlang a. Tunhnai kum engemaw zat kalta atang khan Mizoramah Naupiang 1000 zela atanga chhut a dam chhuak zat chu a sang hle a, vanduaina avang thizat chu 1000 zelah 3 chiah a niin a ropui danglam hle a. Hetih lai hian India rampum huapa chawh rualin Naupiang 1000 zela 26.6 vel chu an boral ziah anga chhut a ni a ti. Sawrkar enkawl Damdawi In, Clinic, Sub-Centre’etc (Sub Centre/UPHC/PHC-HWC) 382 lai phuisui takin kalpui a ni thei pawh hi hlawhtlinna duhawm tak a ni a ti bawk.

Ayushman Bhava Campaign thil tum tihlawhtling tur hian Dr. R. Lalthangliana chuan Health Department sum leh pai bakah a thawktute hi a tawk lo mai thei tih chiang takin a sawifiah a. Kan zavaia thawhona a pawimawh tih a sawinawn leh a. “Kkum 2024 March thla a lo thlen hunah Mizorama thingtlang khua zawng zawng te chu “Khaw Hrisel (Healthy Village)” atan puan kan tum a. Ka thil tum te a hlawhtlin theih nan kan zavaiin theihtawp chhuah a, thawkho turin kan insawm a ni”, a ti.

Ayushman Bhava hmalakna hian kar li chhunga campaign hun chhunga hmalakna tur hrang hrang a a awm a, chungte chu –

1. AyushmanAapkeDwar 3.0 – PMJAY Ayushman card siam chhuah.

2. Ayushman Mela – Health and Wellness Centre-ah Health Mela . CHC hrang hranga ZMC buatsaih Medical Camp.

3. Ayushman Sabhas – khaw hrang hrangah

Campaign hun chhung leh March 2024 thleng hian state puma khaw zawng zawngah 100% saturation rate neih theih nan a hnuaia tarlan ang hian hmalakna eng emaw zat neih tum a ni.

1. Ayushman Mela

i) HWC Level-ah –Kum 30 chunglam tan Non-Communicable Diseases (NCD) – Hypertension, Diabetes, Oral Cancer, Breast Cancer leh Cervical cancer te screening tam thei ang ber neih. Tunah hian state chhungah NCDs screening 50% neih a ni tawh.

ii) CHC Level-ah – Zoram Medical College chuan a remchan dan zelin specialist clinic te chu CHC thlan bik teah Health Melas a nei ang.

2. AyushmanAapkeDwar 3.0.

State chhunga chhungkaw awmzata AB-PMJAY Ayushman Golden Card nei thei tura thlan te zingah beneficiary 63.3 % vel tan registration tih a ni tawh a ni. Tuna campaign neih tur hian beneficiary te chu ziahluh vek a tum dawn a ni.

3. Ayushman Sabha –

Village /Urban Local-level body-te chuan heng thilte – Ayushman card pawimawhna te, ABHA ID siam te, NCD, natna hrik kai theih leh TB natna vei zawnchhuahhna leh a pawimawh na, hriselna atan fimkhur leh mahni in uluk pawimawh na lam te inzirtir a ni ang.

State level-a Physical Launch Programme hi Pi Esther Lal Ruatkimi, Principal Secretary, H&FW-chuan a kaihruai a. He programme-ah hian state chhunga PM TB Mukt Bharat Abhiyan hnuaia mimal, pawl leh district anga hnathawk tha zual te hnenah Governor Dr. Hari Babu Kambhampati chuan lawmpuina leh chawimawina a hlan a. Pledge for Organ Donation chungchang Pi Esther Lal Ruatkimi, Principal Secretary, H&FW hnen atangin sawifiahna ngaihthlak a ni a. Principal Secretary, Health Department, Eye Donor ni bawk chuan kan thih hnua kan taksa peng thenkhat la hman tlak te damlo mamawhtute tana pek theih a nih tih sawiin a pe duh tan intiamkamna lehkha Health Department-ah a ngaihven theih tih a sawi. Dr. Vanlalsawma, Principal Director, H&FW-in lawmthu sawiin State Level Launch of Ayushman Bhava Programme hi a khar a ni.

Pradhan Mantri TB Mukt Bharat Abhiyaan hnuaia thawk tha zual te.

District a Nikshay Mitra/Doner register tamna ber - Aizawl District ( Doner 95 an awm mek)

Community support atana damlo pawmpuina lak tamna ber district - Serchhip district

(tuna damlo an neih zawng zawng 24 te an vaiin an pawmpuina lak vek an ni - 100%)

TB damlo pawmpuina la atanga damlo support tamna ber - Mamit District

(damlo an neih zawng zawng 28 ten support na an dawng vek - 100%)

Corporate/ Organisation/Institute anga TB damlo support hnem ber - Mizoram Rural Bank

(TB damlo 102 an support mek)

Mimal anga TB damlo support hnem ber

- Dr. Laxmi Narayan Rathore, Mizoram University

(TB damlo 50 a support mek)