2785/2023-2024

Aizawl, the 14th November 2023: Vawiin khan MZU Auditorium-ah Governor Dr Hari Babu Kambhampati chuan nithum chhung awh tur, International International Conference on “Emerging Trends in Psychological Interventions (Health and Allied Sciences): Future Prospects and Challenges”, School of Medical and Paramedical Sciences, Mizoram University in a buatsaih chu khuallian niin a hawng a. He hunah hian Justice Nelson Sailo, Judge Gauhati High Court chu khualzahawm a ni thung.

Governor Dr Hari Babu Kambhampati chuan tunlai khawvel hmasawnna sang zelah sum leh pai, ei leh bar bakah mahni bil hmasawnna tura kan intlansiak nasat avangin rilru lamah nasa taking mihringte hriselna a tla hniam mek a. Tunah hian rilru lama harsatna tawk avangin mi tam tak an buai mek a, mi tam takin nunna an chan mek bawk a. Chuvangin, rilru lama mithiamte hnathawh tur leh chonna tam tak kan khawtlang nunna hian a awm mek a. Psychology lam mithiam te leh zirlai ten mawhphurhna pawimawh tak nei mekin chonna lian tak an hmachhawn mek a ni a ti. Rilru lama hriselna chungchanga zirhonna hun, khawvel pum huapa mithiam rual intawhkhawmna nipah fawm, Mizoram University in a thleng chu tha a tih thu leh nithum chhunga hun an hman tur te pawh hlawh taka hmangho turin duhsakna a hlan a, hemi puala Souvenir buatsaih pawh a tlangzarh nghal a ni.

Full Speech of Governor: dipr.mizoram.gov.in/post/speech-of-dr-hari-babu-kambhampati-honble-governor-of-mizoram-on-the-occasion-of-inauguration-of-international-conference-by-school-of-medical-and-paramedical-sciences-mizoram-university-at-mizoram-university-on-14th-november-2023

Thusawitu dang, Justice Nelson Sailo, Judge, Gauhati High Court chuan dan leh hrai kaihhnawih lam atangin rilru lama harsatna tawk te dinhmun a tarlang hmasa a. Khawvel pum huapa rilru lama harsatna avanga nunna cham tam tak an awm mek dan leh tanpuina engtia pek tur nge tih lam hawia thu sawiin Psychology lam mithiamte mawhphurhna leh society anga mawhphurhna pawimawh tak tak te a sawi lang a. He Conference a mithiamte kalkhawm zinga tel, Mizo zirlai rual te hnenah Mizoramah engtin nge an thiamna te a mamawhtu mipui tam tak tan an pek theih ang ti a ngaihtuahna seng turin chona a pe bawk a ni.

ICSMPS  hawnna inkhawmah hian Dr Laxmi Narayna Rathore, Covenener, ICSMPS, MZU chuan he International Conference chungchangah thu hmahruai a nei hmasa a. Prof. Zokaitluangi, Conferenc Director, ICSMPS, MZU hnen atanga inlawmna thusawi tawiin a chhunzawm a. Prof Dibakar Chandra Deka, Vice Chancellor, MZU in thu a sawi ve leh a. Hemi hnu hian Dr M.Sandhyarani Devi, Organizing Secretary, ICSMPS, MZU chuan lawmthu sawiin huntawp a khar thung.