3355/2023-2024

Aizawl, 16th January 2024: Vawiin khan YMA Hall, Salem Veng, Aizawl-ah Governor Dr Hari Babu Kambhampati chuan Viksit Bharat Sankalp Yatra (VBSY) – Urban campaign programme chu khuallian niin a hmanpui.

VBSY chu India Sawrkarin ram hmasawn zinga India ram hlankai a tumna kawnga hmalakna pawimawh tak tak a neih mek te hmawr bawkna atana campaign pawimawh tak a nih thu Governor Dr Hari Babu Kambhampati chuan a sawi a. VBSY in a tum ber chu kum 2047 a lo thlen hunah India ram chu Ram changkang (Developed Nation) zinga tel tir a ni a; India in he dinhmun a thlen theihna kawngah hian Mizoram pawhin tihtur tam tak a nei ve a, heng hmalakna hrang hrang te hi tih puitlin a nih chuan Mizoram pawhin nasa takin hlawkna a tel dawn a ni a ti.

Governor chuan VBSY hi nikum November thla khan Prime Minister in a lo hawng tawh tih sawiin VBSY in a tum zinga welfare scheme hrang hrangte la dawng ve lo ten an dawn theihna turin amah pawhin a kalna hmun leh program a hmanna apiangah a lo tlangau pui tawh thin tih a sawi a. Mizoramah central sawrkar hnuaia welfare scheme tha tak taka wm tih Mizoram mipui tam zawkin an la hrechiang mang lo tih a hmuh thu a sawi. Governor chuan Beneficiary te hian an tana scheme tha tam tak wm mek te hi an hriat phawt chuan an hman tangkai duh ngei a rin thu sawiin heng scheme tha tak tak la hr eve lo te hriattir chu a hre tawh sa te, official te, zirtirtute leh zirlaite mawhphurhna nia a hriat thu sawiin tanlak a ngaih thu a sawi.

Full Speech of Governor : dipr.mizoram.gov.in/post/speech-of-honble-governor-dr-hari-babu-kambhampati-on-the-occasion-of-viksit-bharat-sankalp-yatra-vbsy-on-16-01-2024

VBSY program hi nimin thleng khan hmun 344-ah neih a ni tawh a, hengah te hian mi 30,561 an tel tawh a ni. Heng program hman tawhna zinga Gram Panchayat 124-ah chuan Ayushman Bharat Card chu a neitu tur te neih tir vek a ni tawh a. Har Ghar Jal saturation – Tui thianghlim, ei leh in tur pek hna pawh Gram Panchayat 127-ah chuan zawh fel a ni tawh bawk a. ODF Plus model in a phut ang pawh Gram Panchayat 167 chuan an tihlawhtling tawh a, Gram Panchayat 49-in ram chungchang felfai taka computer hmanga chhinchhiah hna an thawk zo tawh a. My Bharat Volunteer atan mi 13096 inziak lut tawh bawk a ni. VBSY program hmannah te hian he program kaihhnawih a thawk tha, Hmeichhia 1057 hnenah chawimawina hrang hrang pek an ni a, hei bakah hian zirlaite 857 chawimawi an ni tawh a, tualchhung infiamna mi 266 leh Tualchhung artist-te zingah pawh chawimawina 46 pek a ni tawh bawk.

Smt Nazuk Kumar, Deputy Commissioner, Aizawl District chuan VBSY – Urban programme hi a kaihruai a. Prime Minister Narendra Modi thuchah thlirhona in program bul tan a ni a. He hunah hian Meri Kahaani Meri Zubaani segment neih niin kuthnathawktute zinga hlawhtling thlanchhuah ten an thil tawn leh an hlawhtlinna chungchang te sawina hun an nei a ni.

He programme-ah tho hian Krishi Activities chungchangah session neih a ni a, he hunah hian Governor chuan PM-KISAN & Soil Card chungchangah kuthnathawktute nena inkawmna hun a nei a. Programme segment hnuhnung berah official-te  lam atangin GP-ODF Plus status, Jal Jeevan Mission saturation, etc., chungchangah hmasawnna leh report dang te ngaihthlak a ni leh a. VBSY –Urban Programme zawhah hian  On-Spot Services neih chhunzawm a ni a. He hunah hian  Health Camps (Tribal Area hrang hrangah TB endik leh Sickle Cell Anemia endikna, PM Ujjwala thar enrolment, Aaadharenrollment, etc., te neih a ni.