3356/2023-2024

Dated Serchhip, the 16th January, 2024: Vawiin khan Serchhip DC Pu David Lalthantluanga hovin Republic Day 2024 hman dan tur ngaihtuahtu Committee chu Serchhip DC Conference Hall-ah a vawihnihna atan an thukhawm.

Republic Day 2024 Serchhip khawpuia hman dan tur ruahmanna tlangpui chu December 19, 2024 khan duan a lo ni tawh a. Department hotute leh pawl hrang hrang aiawhte mawhphurhna semzai a lo nih tawh angin vawiin meeting ah hian hmalakna an kalpui dan leh tih tur bi tuk an hlen chhuah tawh chin te ngaihthlak a ni a. Mawhphurhna nei ten tha taka an tihtur an hlenchhuah mek zel avangin DC Pu David Lalthantluanga chuan lawmthu a sawi a ni.

Republic Day lawmna chu Serchhip Sports Complex ah chawhma dar 10-ah neih a ni dawn a, Serchhip DC chu khuallian a ni ang. Parade Contingent zingah school 13, Scouts and Guides, NCC, Assam Rifles leh Ex-Servicemen te tel thei tura beisei an ni a. Kuminah hian School Contingent leh Unarmed Contingent te a hrangin inelna buatsaih a ni ang. Parade contingent te hian January 22 atanga January 24, 2024, ni thum chhung Rehearsal an nei dawn a ni. Republic Day denchhen hian Home hrang hrang bakah Hospital leh District Jail ah te tanpuina pek a ni dawn a. Hemi ni hian Sawrkar Building zawng zawngah hnam puanzar (national flag) zar vek a ni dawn bawk a ni.

Meeting-ah hian Serchhip District chhunga Department hrang hrang hotute bakah Assam Rifles, BSF, chanchinbumi te, khawtlang hruaitute leh tlawmngai pawl aiawh te an tel a ni.