No.3754/2021-2022

Aizawl, the 21st January 2022: Vawiin chawhma khan Governor Hari Babu Kambhampati chuan Power & Electricity ( P&E) hotulu te Raj Bhavan-ah a kawm a. He hunah hian Mizoram mamawh Kawlpetha chungchanga kan state dinhmun chiang zawk te zawtin power siamchhuah leh intodelhna kawnga sawrkar hmalakna te a sawipui a ni.

Governor Hari Babu Kambhampati sawmna angin P&E hnathawh tlangpui, power mamawh dan leh intodelhna kawnga hmalakna kalpui mek chungchangte Pu H.Lalengmawia, Commissioner & Secretary, P&E in a sawi hmasa a. Hemi hnu hian “Grid Connected Solar Rooftop Programme in Mizoram” tih thupuia hmangin Nizung chakna ringa Kawlpetha siamchhuah – electric current pangai pekchhuahna hruia thlun zawm, consumer te pawh theih tura P&E in a chhawpchhuah chungchangah Pi Laltlanthangi, Sr EE, Works-I chuan Powerpoint presentation a pe a. “Power Scenario in Mizoram” tih thupuia hmangin Kawlpetha chungchanga Mizoram dinhmun chiangkuang takin Pu H.Lalnunsanga, EE, Commercial chuan Powerpoint hmangin a tarlang thung a ni.

P&E hotuten Kawlpetha chungchanga Mizoram dinhmun an tarlan atangin Mizoram mipui tam zawkin Grid Connected Solar Rooftop hmanga Electric Current pawh hlawk zia leh a that zawk zia te, a tirah sum sen so tam zawk mahse a hnuah nasa takin electric current thlabi bill a tlem phah zawk a ni tih te an la hre chiang lo in a lang tih Governor Hari Babu Kambhampati chuan a sawi a. Mipui mamawh bik department thenkhat ang bawkin Power Department pawhin Mipui zirtirna uar zawka a kalpui a ngai a. Tuna a landan chuan department tamtak in central anga hamthatna tam tak awm mek hi beneficiary te an thlen thin loa, hei hi tanlak ngaina lai a ni a. Mipui zirtirna kawngah theihtawp chhuah a la ngai hle tih a sawi a ni. Mizoramin Kawlpetha a mamawh zat 171 MW ang hi chu tuiluang chakna hmang leh nizung chakna hmangin harsa lo takin Mizoram chhungah a siam theih tih a chiang a. Kan hma lawkah Solar Power Plant engemaw zat leh small hydel project te hman theih tura hawn a ni tur chu a lawmawmin Mizoram hmabak a eng hle a ni a ti.

19th Electric Power Survey of India chhut dan chuan sawrkar kum 2021-2022 chhunga Mizoramin power a mamawh zat chu 171 MW niin Central Sector leh ISGS atanga Mizoram chanpual chu 213.14 MW niin he hun chhunga Mizoram in kawlpetha a mamawh zat chu a unit zawngin 866 MU(Million Units) a ni.

Tunah hian P&E Department chuan a hnuaia tarlan te hi a enkawl mek a.

1. Hydel Generating Stations (SHP) - 11 Nos. (29.35 MW)
2. 132 kV Lines - 760.30 Km
3. 66 kV Lines - 111.42 Km
4. 33kV Lines - 1483.42 Km
5. 11kV Lines - 5613.15 Km
6. LT Lines - 3319.07 Km
7. 11kV ABC - 12.61 Km
8. LT ABC Lines - 127.97 Km
9. 132 kV Grid Sub-Station - 11 Nos. (283 MVA)
10. 33 kV Grid Sub-Station - 62 Nos (270 MVA)
11. Distribution Transformers - 2701 Nos (315.35 MVA)

Mizoram mamawh Kawlpetha 90% te hi central Sector atanga pawhluh a ni a. Hei hi Hruipui 132kV S/C Jiribam – Aizawl (PG), 132kV S/C Badarpur - Kolasib S/S - Aizawl (PG), 132kV S/C Kumarghat – Aizawl (PG) leh 400kV D/C Silchar - Melriat (PG) , Sakawrtuichhun charged at 132kV atangin a lak luh a ni.

Tunah hian State in electric siam chhuahna station – small hydel project(SHP) 11 a nei a; heng atang hian 29.35 MW siamchhuah theih anga chhut a ni nain siamchhuah tam a nih lai berin 16 MW bawr vel bak a thleng thei lova; thal lai phei chuan 6 – 8 MW bawr vel chiah a pechhuak thei thin a ni.Hetih lai hian Solar Plant 5 a awm mek a; heng atang hian Nieng lan that hunlaiin a tam berah 5.50 MW siam theih beisei a ni. SHP 4, 8.70 MW siamchhuah theihna tur chu hman theih thuai beisei a ni a, Vankal Solalr Park 20MW leh Keifang Solar Plant 10 MW pawh Power Purchase Agreement(PPA) ziahfel tawh ang chuan kumin chhungin hman theih beisei a ni. Heng bakah hian hmachhawp lian deuh deuh te pawh sawiho a ni.

Governor leh P&E hotute inkawmnaah hian Pu Lalbiaksanga, Chief Engineer, Rural Electrification, Pu Ngursailova Sailo, SE, Commercial leh Pu Malsawmdawnglian, PD, ZEDA te pawh an tel a ni.