No.3828/2021-2022

Aizawl, the 27th January 2022: Vawiin chawhma khan Governor Hari Babu Kambhampati chuan Department of Clinical Psychology, Mizoram University in a buatsaih, 57th National and 26th International Conference of the Indian Academy of Applied Psychology(IAAP) chu a hawng a. He conference-ah hian “Relevance of Psychology on Pandemic Condition and its impact on well-being in the digital world”, tih chu thupuiah hman a ni e. Conference hian ni 2 chhung a awh dawn a ni.

Governor Hari Babu Kambhampati chuan mithiamte khawvel pum huapa rilru lam zirmi zinga mithiam rual fuankhawmna hun leh inrawnkhawmna hun MZU in a buatsaih thei chu lawmawm a tih thu a sawi a. He conference chhunga mithiamte inrawnkhawmna hian rah tha a chhuah ngei a beisei a ni. Hrileng vangin khawvel puma mihringte nun a chep em em a, hetiang karah hian rilru lama harsana nei tam tak an awm phah thu Governor chuan a sawi a ni.

Rilru lam hriselna hi taksa pawnlang hriselna ang thova pawimawh a nih thu te a sawi a. Tun hrileng karah rilru lama harsatna tawk mi tam tak te hian kaihruaina tha an mamawh tih sawiin mithiamte chuan mipui hnenah zirtirna nasak zawka an pek chhuah a ngai a ti a. Mizoram mai ni lovin hmundangah te pawh Zirlaite chuan zirna inah lehkha an zirthei lova, online hmanga zirtir an ni deuh ber a, taksa insawizawina hun tak ngial pawh an neih loh avangin rilru lamah harsatna te an tawk ang tih a hlauh awm em em a. Hetiang hunah tak rilru lam zirmi mithiam ten inrawn khawmna hun leh mipui te mamawh rilru hriselna tha zawka zirtir dan tur an sawi ho chu thil tih awm tak a ni a ti.

He hunah hian Governor chuan 57th National and 26th International Conference of the Indian Academy of Applied Psychology(IAAP) puala Souvernir buatsaih chu a tlangzarh nghal a. Dr Lalxmi Narayan Rathor, the organising secretary in he conference tel te lawman thu a sawi hnuah inrawnkhawmna hun hi tan a ni a. Prof V. Suvendran, Secretary, IAAP leh Prof MV Raju, President, IAAP te hnen atangin report leh thusawi ngaihthlak a nih hnuah lawmthu sawiin Prof HK Laldinpuii Fente, HOD, Department of Psychology, MZU chuan 57th National and 26th International Conference of the Indian Academy of Applied Psychology(IAAP) hawnna inkhawm chu a khar a ni.