2315/2022-2023
Aizawl, the 14th October 2022: Saitual District tlawh mektu, Governor Hari Babu Kambhampati chuan Tamdil Wetland a tlawh a. Tourism Department, Environment, Forest & Climate Change leh Fisheries Department hmalakna te a endik.

Governor in Tamdil leh a chhehvel a sawrkar hmunhma a tlawh takah te hian concern official te an lo awm vek a. Governor thil hriat duh leh an department theuh ten helai hmuna hma an lak dan te an lo sawifiah a ni.

Governor Hari Babu Kambhampati chuan EF&CC te enkawl hmunhma a tlawh hmasa ber a. Tamdil Wetland hungchhung tinuam zel turin heng lai hmuna ramngaw te humhalh a pawimawh tih a sawi a ni. Forest Rest House, Tamdil hung chhungah State Tree - Herhse tiak a phun nghal a ni.

Tamdil-ah hiang Tourism Deoartment ten mikhual thlen theihna in-te (cottage) 7 zan khat atana Rs 1500 senga riah theihna an enkawl mek a. Heng vottage te hi Governor chuan pawnlam khualzinmite hriatah pholan uar a pawimawh thu a sawi a. Tourism Department in Mizoram hmun hrang hrangah facility tha tak tak an neih te hi khualzinmite hip thei atana chhuanawm tak tak te an ni tih a sawi a. Advertisement leh kawng hrang hrangin Tourism Department chuan an thil neih te hi an tlangzarh thiam leh vawrh lar a ngai a ni a ti.

Governor hian Tamdil Fish Hatchery a tlawh nghal bawk a. Helai hmunah hian sangha chi kum khatah nuai 100 atanga nuai 200 thleng te, sangha khawitute hnena sem turin an thar thin tih Fishery Officer te chuan an sawi a ni. Fisheries Official te chuan Saitual District chhungah hian Sangha khawi theihna tur hmun rem zau tawk tak a awm thu an sawi bawk a ni.

Pu VL Hruaizela Khiangte, Deputy Commissioner, Pu J.Lalmuankima, Superintendent of Police leh Official ten Governor hi an tawiawm a ni.