272/2023-2024

Aizawl,the 1st May 2023: Governor Dr Hari Babu Kambhampati chuan Aizawl District chhung orphanage/home pali(4) te tan Governor's Discretionary Fund atangin tanpuina sum a pe chhuak a. Vawiin chawhma kha Aizawl DC's Office Chamber-ah he tanpuina sum fai Rs 1,00,000/- hi Aizawl District Bawrhsap Dr Lalhriatzuali Ralte chuan Governor aiawhin a Home/Orphanage pali thlan chhuah aiawh te hnenah a hlan a, Governor's Discretionary Grant bakah hian Bawrhsap hian orphanage naupangte infiamna tur hmarua a hlan tel bawk a ni.

Governor's Discretionary Grant atanga Rs 1,00,000/- chu Orphanage/Home pali(4) - Thutak Nunpuitu Team (TNT), Zuangtui, Gan Sabra Society, Luangmual, Abundant Life Home, Leitan leh SA Motherless Babies Home, Tuikual te hnenah Rs 25,000/- theuhin pek chhuah a ni.