3430/2024-2025

Aizawl, the 9th December, 2024: Armed Forces Flag Day, 2024 puala vehbur khawn kaltlangin vawiin chawhma khan Mizoram Governor Dr. Hari Babu Kambhampati chuan Armed Forces Flag Day Fund (AFFDF) atan tanpuina sumfai a thawh.

Dr. Hari Babu Kambhampati hian Armed Forces Flag Day puala vehbur khawntu Directorate of Sainik Welfare & Resettlement hotute hi lawm taka lo dawngsawngin sipai leh an chhungte zinga chhawmdawl ngaite pualin tanpuina sumfai a lo hlan a ni.

Kar hmasa Inrinni December ni 7, 2024 kha Armed Forces Flag Day niin hemi pual hian Sawrkar hotulu leh Pisa hrang hrangte chuan tanpuina sumfai an hlan bakah hemi puala sum tuakna flag day material zawrhte an leisak a ni. Hetih hun lai hian Mizoram Governor hi State pawna a zin chhuah lai a ni a, remchan zawkna avangin tanpuina sumfai hi vawiin lamah a hlan ta zawk a ni.