4041/2024-2025

Aizawl, the 31st January, 2025: Vawiin khan Mizoram Governor Gen (Dr) Vijay Kumar Singh, PVSM, AVSM, YSM (Retd) chuan Border Security Force (BSF) Sector Headquarters, Durtlang North, Aizawl chu tlawhin BSF Officer leh sipaite a kawm. 

Governor Gen (Dr) Vijay Kumar Singh, PVSM, AVSM, YSM (Retd) chuan India leh Bangladesh ramri vengtu BSF te hmalakna fakawm a tih thu sawiin, India ram a him zel theih nana theihtawp chhuah turin a chah a. Mipui himna ngaipawimawh tur leh ramri kaltlanga dan lova hmalaknate uluk taka veng tura chahin, mipuite tana luanchhuahna thawh kawngah tan la zel turin a chah nghal bawk. 

Governor hi Pu Kalyan Kanti Majumdar, DIG, Sector Hqrs. BSF leh a thawhpuite'n lo dawngsawngin office leh Composite Hospital-te an fanpui a. Mizorama BSF hmalakna leh hmachhawpte PowerPoint presentation hmangin an sawifiah bawk. 

BSF te hian Mizoram bikah hian India leh Bangladesh ramri 318 Km vela thui ven hna an thawk mek a. Sector Hqrs. Aizawl, Mizoram hnuaiah hian Unit 4 a awm a. Service company 24 awmin, tun dinhmunah Border Out Post (BOP) 58 an vil mek a ni.