4040/2024-2025

Dated: Mamit the 31st of January, 2025 : Vawiin khan DRO Conference Hall, Mamit-ah Mamit District chhunga Registrar of Births & Death-te tan Civil Registration System 2025 chungchangah training neih a ni a, Pu K.Laltlawmlova, District Registrar of Births of Death, District Bawrhsap ni bawk chuan Khual lian niin a hmanpui.

Pu K. Laltlawmlova chuan Mamit District chhunga Registrar of Births & Death-te chu an pawimawhna inhre thar turin a chah a, document dang zawng zawng kan neih nana pawimawh hmasa ber chu birth certificate hi a nih avangin dik leh felfai tak kan neih a tul hle a ni a ti, khua leh tui kan nihna nemngehna birth certificate buaipuitute chu dik leh rinawm taka hnathawk turin a chah a ni. Kan rama pian leh thih chhinchhiahna fel fai tak neih hi ram hnuk khawih thei thil a nih avangin tha taka training tur leh an hna-ah pawh tuina leh phurna thar neia thawk turin a chah bawk. 

Vawiin RBD Annual training hi Pu Lalhmingmawia Hrahsel, Addl. Registrar RBD & DRO chuan kaihruaiin, Pu J. Ramdinmawia leh Pu Vanlalfinga, Directorate of Economics & Statistics-te chuan zirtirna an pe a ni.

Mamit District chhungah hian Damdawiin behchhan RBD 10 leh veng/khua behchhan RBD 70 an awm mek a ni. 

Mizoram pumpuiah Births & Death Registration Unit 884 a awm mek a, heng zinga 116 chu damdawiin behchhan niin a dang zawng 768 hi khua/veng behchhan an ni a. Damdawiin behchhhana RBD 116 ah hian nikum November atang khan Online Registration kalpui a ni tawh a, piang leh thite hnenah Digitized Certificate zel an pe chhuak thei tawh a ni. Veng/khua behchhana RBD te'n thlathar February atanga Online Registration hmanga Digitized Certificate zel an pek chhuah theih nan training hi neih a ni.