4039/2024-2025

Siaha the 31st January, 2025: District Road Safety Committee, Siaha chuan vawiin khan DC Mini Conference Hall-ah Addl DC Pu Abraham Beirazi Khithie kaihhruainain Road Safety Month hman dan tur an rel.

Addl DC chuan hun chep tak kara kalkhawmte chu lawmthu a hrilh hmasa a, District Road Safety Committee Member Secretary Pu Manesia Khaimeichho, DTO chu meeting agenda hawng tur leh sawifiahna nei turin a sawm.

Pu Manesia Khaimeichho chuan Road Safety Month chu Kumtin Mizoram pumah February thlaa hman thin a ni tih a tarlang a, lirthei neitute bakah mipui an him zawk nan Road Safety Month hi hman thin a ni, a ti. Kumin thupui chu “Fimkhur leh him takin lirthei khalh thin ang che” tih a nih thu a tarlang bawk.

Vawiin thutkhawm chuan Road Safety Month hawnna chu February ni 4 (Thawhlehni) zing dar 7:30 ah Traffic Point-ah neih nise, lirthei khalha eizawng pawl hrang hrang bakah Head of offices sawm nise, Khuallianah MADC EM (Transport) sawm ni se, an ti. February chhung hian Transport Department leh Police Department tangkawpin lirthei endikna an nei thin dawn a, zirna In bakah kohhran tinah road safety pledge chhiar chhuah a ni ang.


Road Safety Month chhung hian traffic duty-te tawiawm turin NCC te sawm ni se, DTO leh PWD tangkawpin kawng chhe lai endikin chungah chuan signboard tar ni se, an ti. Traffic dan leh dun bakah dan zawmlote tana hremna awm thei inziahna booklet siam a, mipui hnena semchhuah leh Bazar traffic point lun laiah banner tar ni se, tih an rel bawk a ni.

District Road Safety Committee member-te an kalkhawm a ni. ‎

Attachment

  • Loading attachment...