737/2023-2024

Aizawl, the 9th June 2023: Governor Dr. Hari Babu Kambhampati chuan vawiin khan Raj Bhavan-ah Power & Electricity (P&E), Government of Mizoram leh Central Water Commission (CWC), Ministry of Jal Shakti hotute meeting a neih pui a. He meeting-ah hian Mizorama lui luang atanga Kawlphetha siamchhuah theih zat dik tak a rang lama zirchian dan tur sawiho a ni.

Meeting kaihruaitu, Governor Dr Hari Babu Kambhampati chuan Mizorama Kawlphetha siamchhuah chungchangah Prime Minister a hmuh tawh thu a sawi a. Prime Minister in hemi chungchang hi tha taka a lo ngaihthlak thu sawiin hun remchang hmasaah P&E, Government of Mizoram ten Prime Minister Office(PMO)-ah Presentation an pek a lo remtih sak thu a sawi. Governor chuan Mizoram Sawrkarin PMO a Presentation kan pek hmain Kawlphetha kan tharchhuah theih zat chiang zawka zirchian a ngai a. Survey & Investigation hi CWC leh P&E ten an neih tawh angin statistics neih a ngai nia a hriat thu a sawi a. Statistics inang khat leh rintlak a rang lama neih a nih theih nan CWC leh P&E te chu information an neih ang te inpe tawna, thawk ho turin a chah a. Presentation atana proposal siam a nih dawnin Central Electricity Authority of India te nena sawihona neih hmasak bakah an ngaihdan te lak hmasak pawh tha a tih thu a sawi bawk.

P&E engineer rual te hi Pu H. Lalengmawia, Commissioner & Secretary, P&E in a ho a,  Pi Preeti Choudhary, SE, CWC, Ministry of Jal Shakti chuan  CWC official te a rawn ho thung a ni. CWC team lamin an thil zirchianna neih atangin  PowerPoint presentation an pe hmasa a. Hemi hnu hian tun dinhmuna an thil hriat dan leh hmalakna kalpui tawh chi te P&E official lam ten an sawi leh a. CWC leh P&E te report pekna eng atang hian thawhho dan tur leh hmalak zel dan tur te sawi chhunzawm  nghal a ni a. Raj Bhavan a Meeting an neih zawhah CWC Official te hian Er Lalhmingliani Hmar, E-in-C, P&E  an kawm chhunzawm leh nghal a ni.