2885/2023-2024

Aizawl, the 30th November 2023: Vawiin khan ICFAI University, Mizoram chuan Convocation Vawi 11-na an Campus, Durtlangah an nei a. He Convocation hi Governor Dr Hari Babu Kambhampati, Visitor of ICFAI chuan a kaihruai a. 11th Convocation of ICFAI University, Mizoram ah hian Dr.G.Satheesh Reddy, President, Aeronautical Society of India, DRDO Chairman hlui leh Secretary, Ministry of Defence(R&D) lo ni tawh chu Khuallian a ni a. Pi K C Runremsangi, Padma Shree Awardee 2022-23 chu khualzahawm a ni thung.

Governor Dr Hari Babu Kambhampati, Visitor of ICFAI University Mizoram chuan ni bawk chuan vawiina zirlai hlawhtling, degree nei thar te chu lawmpuina a hlan hmasa a. Zirlai hlawhtling te chu hmalam hun eng tak leh chona lian tham zawk ten an lo hmuak nghal a ni tih a sawi a. Na sa leh zuala tan la tur leh ram leh hnam tana thawk hlawk, khua leh tui tha ni turin a fuih a ni. Governor chuan ICFAI University Mizoram chu a hmasawnnaah te a lawmpui tih sawiin NEP 2020 ruahmanna siam anga chak taka kal turin Vice Chancellor leh thawktute a chah a. Skill Development, Entrepreneurship, Reasearch leh Vocational Education lama thapui thawh turin a fuih bawk a ni.

Full Speech of Governor: dipr.mizoram.gov.in/post/speech-of-dr-hari-babu-kambhampati-honble-governor-of-mizoram-on-the-occasion-of-11th-convocation-of-icfai-university-mizoram-at-icfai-university-durtlang-on-30th-november-2023

Khuallian Dr.G.Satheesh Reddy, President, Aeronautical Society of India chuan Khawvelah India ram mithiamten science and technology ah an thawhhlawk tih a sawi a. Tunhmain India rama zirlai thiam filawr tak tak te USA, Europe leh ram hausa zawkah hnazawngin an chhuak thin a. Tunah erawh hei hi a inthlak hlawk tawh a, kalchhuak hmasa zawk te pawh India ramah lo kir lehin Start Up India hnuai awlsam takin bul an tan a, heng te hi hun reilote chhungin Cheng Vaibelchhe tam tak hu Company an ni tawh a, Make In India hnuai rampawn atanga kan lei leh lakluh thin hmanrua, bungrua leh technology te siamin hmasawnna an thlen mek a. Mizoram thalai te pawhin Start Up India leh Make in India hnuaiah hian Mizoramin hlawhtlin theihna a neih lai te dap chhuakin hlawhtlinna an chan theih a ring tih a sawi.

Chancellor Prof Y.R.Haragopal Reddy in 11th Convocation of ICFAI University, Mizoram hi a hawng a. Hemi hnu hian Vice Chancellor Prof Bijay Singh hnen atangin inlawmna thuchah leh ICFAI University Mizoram report a pe chhunzawmin convocation program hrang hrang ten a zui nghal a ni.

11th Convocation of ICFAI University Mizoram ah hian ICFAI Mizoram chuan Sawrkar atanga Honorary Doctorate Degree pek phalna an hmuh thu Chancellor Prof Y.R.Haragopal Reddy chuan a puang a. He degree hi mipui rawngbawlna huang te, zirna leh thil dangah te chawimawi phu te hnenah pek thin a ni ang tih a sawi a. A vawikhatna atan, he chawimawina hi Mizo Folk Song & Dance huanga hna thawk tha, Padma Shree Award 2022-23 dawngtu Pi KC Runremsangi hnenah ICFAI University Mizoram chuan a hlan tih a puang nghal. DLitt(Honoris Causa) hi Pi KC Runremsangi hnenah ICFAI University Mizoram aiawhin Governor Dr Hari Babu Kambhampati, Visitor to ICFAI University Mizoram leh Dr.G.Satheesh Reddy, President, Aeronautical Society of India te chuan an hlan nghal a ni.

11th convocation of ICFAI University Mizoram ah hian zirlai 267(UG&PG) ten degree an nei thar a ni. Graduate thar te hian Vice Chancellor Prof Bijay Singh hnen atangin Degree Certificate an dawng a. Dr.G.Satheesh Reddy, President, Aeronautical Society of India chuan Zirlai titha zual zinga Silver Medalists te hnenah chawimawina thuziak leh medal a hlan a. Governor Dr Hari Babu Kambhampati hnen atangin Gold Medalist ten chawimawina thuziak leh medal an dawng thung a ni.

Tunah hian ICFAI University Mizoram ah hian Zirlai 601 an awm mek a. ICFAI University Mizoram hian course hrang hrang MBA, M.Com, MA, MSW, MSc (Geog), BBA, BCA, H&T, BA leh B.Com. te a kalpui mek a ni.