3501/2024-2025

Aizawl, the 12th December, 2024: Mizoram Governor Dr. Hari Babu Kambhampati chuan vawiin tlai khan IIT Madras leh NIT Mizoram zirlai 27, Mizorama internship hmang ho mekte chu Raj Bhavan-ah a kawm. 

Dr. Hari Babu Kambhampati chuan IIT Madras leh NIT Mizoram zirlai, background hrang hrang nei te'n Mizorama internshhip nei tura hma an la leh Mizoram puih duhna thinlung an pu chu lawmawm a tih thu a sawi a. Mizoram an cham chhunga hun nuam tak hmanga an thiamnate tangkai taka hmang turin a chah a ni. 

IIT Madras zirlai 12 leh NIT Mizoram zirlai 15 te hian New India Mission hnuaiah 'Technology and Rural Development' tih thupui hmangin January ni 9, 2024 thleng Mizoramah internship hun an hmang ho dawn a. Hemi hun chhung hian thiamna hrang hrang nei zirlaite hi group 4 ah inthenin khaw hrang hrangte tlawhin an thiamna hmanga puih dan an zawng dawn a, zirlaite nen pawha hun hman an tum bawk. 

He hunah hian zirlaite'n an project neih leh tawnhriatte Governor hi an hrilh a; inkawmhona hun tha tak hman a ni.