1405/2023-2024
Aizawl, the 7th August 2023: Vawiin tlai khan, Governor Dr Hari Babu Kambhampati chuan ama Twitter Handle kaltlangin Prime Minister leh a kaihruai Central Sawrkar hnenah Rail Way line thar kalna tur zawnchhuah pawm a nih a vangin lawmthu a sawi.
Governor chuan Mizoram hmasawnna atana thutlukna pawimawh tak siam a nih leh avangin Mizoram mipui aiawhin lawm thu a sawi tih a tarlang a.
He Survey in a tarlan dan chuan Sairang leh Myanmar ramri dep, Mizoram chimlam hmawr tawp a Hbichhuah chu Rel kawngin a thlun zawm dawn a ni.
Hemi chungchangah hian DGM office, Northeast Frontiers Railways chuan a hnuaia tarlan ang hian press release a tichhuak a ni.
Sairang atanga Hbichhuah thlenga line thar siamna tur Final Location Survey sanctioned Act East Policy-ah hmasawnna lian tak a pe dawn a ni.
Hemi chungchangah hian DGM Office, Northeast Frontiers Railways Office chuan a hnuaia tarlan ang hian thuchhuah a siam tawh bawk a ni.
Act East Policy kalpui mek angin Indian Railways chuan Mizoram chhunga Myanmar ramri chu rel hmanga thlunzawm a tum a. Tun hnai khan Railway Board chuan Myanmar ramri bul, Mizoram chhunga km 223, Sairang (Aizawl) atanga Hbichhuah thlenga Final Location Survey (FLS) neih tak chu a pawm a ni.
Mizoram awmna hi India tana hmun pawimawh tak -strategic importance a nih avang leh Sumdawnna Huang zauhna atana hmun remchang a nih dan zawng zawngte ngaihtuahin Ministry of Railways chuan he project hi lak a rel a ni.
He project hian Hbichhuah kaltlangin India hmarchhak lam kalpawhna Kawngpui pawimawh tak a hawng dawn a ni. Myanmar-a Sittwe Port kaltlanga hmarchhak thlenga bungraw phurh man leh bungraw phurh hunchhung chu nasa takin a ti tawi dawna rin a ni a. Tun hnai khan Myanmar-a Sittwe Port hi Union Minister of Ports, Shipping and Waterways Shri Sarbananda Sonowal chuan a hawng tawh a ni.
Tunah hian N. F. Railway chuan Bairabi leh Sairang inkarah km 51.38-a thui broad-gauge railway line project a kalpui mek a, hei hi hna zawh fel thuai tum a ni. Myanmar Border-a km 111-a sei Imphal – Moreh rel kawng connectivity project dang, final location survey pawh zawh thuai beisei a ni bawk.
Broad-gauge line thar ruahman hian, India leh Myanmar leh Asia khawmualpui a ram dang te nena in sumdawnna a siam dawn bakah, inzawmna a tinghet dawn a ni. Hmarchhak state-te sum leh pai lama hmasawnna tihpunna kawngah pawh he project hian nasa takin awmzia a nei tura beisei a ni.
