Vawiin khan Mizoram Larsap Lt Gen (Rtd) MM Lakhera, PVSM, AVSM, VSM chuan Seling-a Samaritan Home-Riangvai Run hotupa Father K.T. Khawla chu Raj Bhawan-ah sawmin an Home-a hman tur Computer set 1 leh Printer 1 a pe a ni.

 

 

Samaritan Home hi 29 January 1993 khan din tan a ni a, tunah hian worker 10 neiin naupang enkawl lai 100 vel an nei a, chung zingah chuan rualbanlo 35 an awm. Kum 2001 atang khan an Home naupangte tan sikul hawn a ni a, nikum atang khan SSA hnuaiah lakluh niin SSA chuan zirtirtu 7 an dah sak nghal bawk. Vawiin computer an dawn pawh school-ah an tangkaipui hle tur thu sawiin Father K.T. Khawla chuan Mizoram-in fahrah leh mi hnuaihnung zawkte ngaihsak tak Governor a nei chu a lawmawm hle a ni a ti a, hun remchang hmasa berah Governor chu an Home tlawh turin a sawm nghal a ni.