Hnam inpumkhatna puala Mizoram State kilkhawr zirlai thlanchhuah 30 te chuan India ram khawpui hrang hrang fang turin tukin zing khan Aizawl an chhuah san. A.R. Mizoram Range buatsaiha zirlai zin chhuakte hi Aizawl Sipai Lammual-ah Mizoram Governor Lt. Gen. (Rtd.) M.M. Lalkhera, PVSM, AVSM, VSM chuan a vailiam a ni.
 
 

 

Thuchah tawite sawiin Larsap chuan Mizoram sorkar leh ama mimal pualin A.R. te chungah lawmthu a sawi a. India ram hi hnamzia ropui tak nei, hnamzia rang leh sakhaw hrang hrang awmna chumi chunga inzawmkhawm tha tak a ni a ti a. Zirlaite chu Mizo nunze mawi an kalna apiangah tarlang tur leh an thil hmuh leh hriat atanga a tha lai rawn puak haw tum turin a chah a ni.

An zin dan tur kanghmang leh hriattur pawimawhte chu Brig. A.P. Rai, VSM, DIG, 23 Sector, A.R. chuan a sawifiah a. Tuntuma zirlai thlanchhuahte hi District hrang hrang atanga thlan an ni a. New Delhi, Agra leh Jaipur te an tlawh ang a. Feb. 5 khian Aizawl lo thleng leh tura beisei an ni.

 

Attachment

  • Loading attachment...