Nimin tlai ah khan Larsap Lt.Gen(Rtd.) Nirbhay Sharma leh Pu Cesare Bieller, Consul General of Italy te Raj Bhavan ah an inkawm a.

He an inkawmna ah hian Larsap chuan Mizoram in Italy thiamna a chhawr tangkai theih tur tam tak a awm a ni a ti a. Mizoram thei, thlai leh eitur sawngbawlna changtlung zawk a mamawh thu Italy palai hi hrilh thawhhona puitling Horticulture ah phei chuan a beisei awm a ti a. Mizo thalai te tuichilh leh thiam em em football ah Italian football hotute leh Italy sawrkar puihna Mizoram in a beisei thu a ni a ti a. Mizo thalai tam tak state pawnah football hmanga ei an zawn tawh thu a hrilh bawk a ni. Pu Cesare Bieller chuan Governor in a ngenna te chu lo zirchian a tum thu a sawi a. Hmarchhak state te nen thawhona tha zawk rawn zawng a nih bakah Italy ram tlawh tam tura sawmna rawn keng a nih thu Governor hi a hrilh a. An beisei aia Italy tlawh tum leh Visa diltu Mizoram atanga an tlem chu pawi a tih thu sawiin Italy hi khualzin ang leh zirna sang zawk beih nana pan tur in Mizo mipui leh thalai te a sawm a ni a ti.

Nimin chawhnu ah tho khan Chief Secretary Pu Lalmalsawma chuan Italy palai hi inkawm tawh sawrkar hmalakna thenkhat Italy sawrkar nena thawhho theih nia hriat te an sawi dun a ni.