Vawiin khan Mizoram Governor Vakkom B. Purushothaman chu Raj Bhavan-ah Mizoram Kohhran Hruaitu Committee aiawhten an hmu a, an thil ngaihpawimawh hrang hrang an sawipui.

Larsap chuan a tawnhriat tawh atangin Christian Missionary te a ngaihsan thu lo hrilhin MKHC hruaitute chu mipuite tana rawngbawltu leh thawktu ropui tak an nih a rinzia a sawi a.India ram sakhua biak zalenna ramah hian chanvo leh mawhphurhna intluk tlang vek kan nih thute a sawi a, Mizoram chuan hmasawnna duh tak tak hruaitu a neih thin sawiin, hemi atana pawimawh hmasa revenue tam zawk nei thei tura tan lak erawh tula a hriat thu Larsap hian a sawi a ni.

MKHC aiawhte hi an Chairman Rev. C. Lalsangliana bakah hruaitu pakua an ni.