216/2023-2024

Aizawl, 26th April 2023: Mizoram Larsap Pu Hari Babu Kambhampati chuan vawiin khan Puducherry sawrkara Rural Development changtu Minister Pu AK Sai J Saravanan Kumar nen Raj Bhavan-ah inkawmna an nei.

He hunah hian Larsap leh Puducherry Minister te hian state/UT pahnih dinhmun inhrilhhriatna hun an hmang a. Larsap chuan Mizoramin inkalpawhna kawngah hmasawnna a hmuh mek zel thu sawiin, Sairangah rel a luh thuai a beisei thu leh ramchhunga National Highway-te chu tihzauh leh thawmthat mek an nih thu a sawi. Minister leh Governor hian Puducherry leh Mizorama ni za inhlawhna (MGNREGS) kalpui dan sawihona hun tha tak an hmang bawk a ni.