Nimin tlai khan Governor Lt.Gen(Rtd.) Nirbhay Sharma leh Union Minister of State for Labour&Employment, zan riak a Mizoram rawn tlawhtu Shri.Bandaru Dattatreya te chu Raj Bhavan ah an inkawm.

An inkawmna ah hian Governor chuan Labour &Employment Ministry chu Mizoram leh North East States te tana Ministry pawimawh ber pakhat a ni a. He Ministry atang hian thil tam tham zawk Mizoram in a beisei a ni a ti. Union Minister chuan Mizoram sawrkar hotute nena an inkawmna chungchang te Governor hi hrilh in a Ministry in kuthnathawktute hamthatna tur ruahmmanna a siam mek te a tarlang a ni. Inkawmna ah hian Union Minister of State rawn tawiawm tu Mizoram L&E Minister Pu Lalrinmawia Ralte chuan Mizoram tana Skill Development hnuaia training tur zat target nasa taka toh hniam a nih chingchang sawiin Skill India thiltum nem inmil lova a hriat thu a sawi chhuak a. File kalsual vanga thil awm thei a ni em tih leh a chhan hriat hmasak a nih hnu ah hmalak dan a ngaihtuah tur thu Governor chuan sawiin Mizoram target tihpun zawk awm tak a nih thu pawh a sawi chhuak a ni. Railroads leh Kaladan Multi Modal Transit Project zawh hun tur thlira Mizoram a in buatsaih mek thu sawiin Labour & Employment Ministry tanpuina a la mamawh dawn chauh ni a a hriat thu Union Minister hi a hrilh a ni.