1223/2023-2024

Champhai, the 21st July, 2023: National Bank for Agriculture and Rural Development (NABARD) Champhai buatsaihin vawiin khan Govt. Champhai College Seminar Hall-ah Azadi Ka Amrit Mahotsav (AKAM) pualin Mizorama NABARD kaltlanga hmalaknate inhrilhhriatna hun hman a ni.

Khuallian nia he hun hmanpuitu Govt. Champhai College Principal Pu P.Lalhmingliana chuan NABARD kaltlanga thingtlanga hmasawnna ruhrel hrang hrangte siam a ni leh, Agriculture leh a kaihhnawih peng hrang hrang hnuaia loneitute dawmkanna lamhawi hmalaknate chu fakawm a tih thu a sawi a ni.

He hunah hian Pi H.Lalhmachhuani, DDM, NABARD Champhai chuan program neih a nih chhante sawifiahin Mizorama NABARD kaltlanga hmalaknate Powerpoint presentation hmangin a tarlang a. RIDF, WIF, Refinance, Financial Inclusion, Tribal Development Fund, Farm Sector Promotion Fund, Off-Farm Development - OFPO, Rural Haats, Rural Marts/Mobile Mart, Institutional Development, Springshed Development, SHG linkage leh adangte kaltlanga hmalaknate a sawifiah a ni.

Azadi Ka Amrit Mahotsav (AKAM) hi India ramin zalenna a hmuh atanga kum 75-na hriatrengna leh lawmna puala India ram chanchin ropui, hmasawnna leh hnam ziarang hrang hrangte tarlanna atana duan a ni a. Hemi kaltlang hian vawiin khan Govt. Champhai College-ah Mizorama NABARD hmalaknate tarlan niin, project hlawhtling hrang hrang video hmanga siamte thlirho a ni a. Kalkhawmte chuan NABARD kaltlanga thingtlang tih hmasawnna kawnga hmalakna chhuanawm tiin entawntlak an ti hle a ni.