Research Consultancy & Evaluation Committee, Govt. Champhai College buatsaihin vawiin khan One Day State Level Workshop on Choice Based Credit System (CBCS) neih a ni.

He workshop, Govt. Champhai College Seminar Hall-a buatsaih hi Associate Professor Pi Lalchhanhimi Khiangte chuan kaihruaiin, workshop chungchang sawihawnna chu Dr.Laldawngliana, Associate Professor, Govt. Champhai College-in a nei a. Workshop hi RUSA atanga capacity building atana fund lo kal atanga neih a nih thu leh, CBCS hi khawvel University te kalphung a nih thu leh, India ramah chuan University changtlung zawkten an hman hnuah UGC in National Programme anga puangin University hrang hrangin an hman tawh tur thu te; Mizoram University pawhin a kalpui tan mek a, a hnuaia Affiliated College-te chuan session thar atang hian an hman tur thu te a sawi a. Kalphung tharah chuan Science subject la pawhin a duh chuan elective-ah Arts Subject a la thei tawh dawn a ni, a ti.

He hunah hian Resource Person Dr.Lalbiakdiki Hnamte, Associate Professor, Education Deptartment, MZU chuan CBCE nihphung sawizauna a nei a ni. CBCE hi National Knowledge Commission-in zirna tihthatna tura ruahmanna a siam a nih thu te, hemi hnuaiah hian zirlaite chuan an zirnaah tihtur tam zawk a nei ang a, zirtirtu mawhphurhna pawh a sang zel dawn a ni, tih sawiin, zirna chungchangah sum hmanga thil kan teh thin chu tha lo a tih thu te a tarlang a ni.

Vawiin workshop-ah hian Govt. Champhai College-a zirtirtute telin zawhna leh chhanna hun hman nghal a ni.