Government Deputy Chief Whip Pu Lalrintluanga Sailo, MLA chuan vawiin chawhma khan Assembly Secretariat, third floor-ah a pisa a luah tan a, Pathian hnena lawmthu sawina hun hman a ni.

Pu Lalrintluanga Sailo chuan Pathian leh mipui zarah thlan tlinna a awm chu lawmawm a tih thu a sawi a. Hotute kaltlanga office luah tura mipuiin min dah takah chuan ram leh hnam tan theihtawpa thawh ka tum a ni, a ti a. Kan ram tana kan thawh tawhna leh kan thawhna turah hian midang ni lovin mahni chan kan en a ngai a, chutiang chuan rilru kan buatsaih a tul a ni, a ti.

Thutak Nunpuitu Team (TNT) hotu Dr. Sangthankima chuan hunserh a hmang a. Pu Lalrintluanga Sailo chhungte, MNF hruaitu leh hruaitu hluite leh lawmpuitu thahnem tak an tel a. Term hmasa lama Govt. Deputy Chief Whip Pu R.L. Pianmawia’n a telpui bawk a ni.

Government Deputy Chief Whip atan Pu Lalrintluanga Sailo ruatna hi Political & Cabinet Department chuan December Ni 19, 2018 khan Notification alo chhuah tawh a ni.