898/2023-2024

Champhai, the 23rd June, 2023 : District Level Narco Coordination Centre (NCORD) Committee, Nasha Mukh Bharat Abhiyaan (NMBA, Champhai District, District Level Task Force on Ruihhlo Do leh Mizoram Police - Champhai District Executive Force-te tangkawp hmalaknain vawiin chawhnu dar 1 khan Govt. GM Higher Secondary School Champhaiah ruihhlo leh a kaihhnawih ti lo tura inzirtirna 'Anti-Drugs Awareness Campaign' leh zirlaite kalzelna tur kawng inkawhhmuhna Career Guidance Program neih a ni.

He hunah hian Resource person pahnih Pu Gaurav Tyagi, SDPO Champhai leh Pu Dennis Vanlallura, DySP (Hqrs) Champhaite'n zirtirna an pe a. Career guidance programme bakah ruihhlo dona kawnga hmalakna atan signature campaign, ruihhlo khawih lo tura intiamkamna leh slogan inziaksiakte huaihawt tel a ni bawk a, slogan inziahsiak lawmman hi June ni 26, 2023 ah sem chhuah tum a ni. He hunah hian zirlai 92 te an tel thei a, hun hlawkthlak tak hman a ni.