2524/2023-2024

2023 Khuangchawi thla ni 27: Vawiin khan District Election Officer, Kolasib leh Government Kolasib College te ṭang kawp huaihawtin Systematic Voters' Education and Electoral Participation (SVEEP) hma lakna hnuaiah Government Kolasib College-ah Voters Awareness Programme buatsaih a ni.

He hun hi Kolasib District SVEEP Nodal Officer Dr Lalramdintluanga, Kolasib SDC chuan kaihruaiin, voter-te hriat tur pawimawh puanzar leh zirtirna kawnga SVEEP kal tlanga hma lakna hrang hrang a tar lang a. Resource person, DIET Kolasib-a Lecturer Pu Samuel Lalrinawma chuan voter-te hlutna, mawhphurhna leh tih tur hrang hrang zirtirin, a sawi fiah a. Zawhna leh chhanna hun hman a ni bawk.

He hunah hian vote thlak pawimawhna leh vote thlak tura inzirtirna lam hawiin intihsiakna chi hrang hrang, ‘On the Spot Slogan Writing Competition', ‘Quiz Competition’ leh ‘Extempore Speech Competition’ te buatsaih ni bawkin, zirlaite'n an hlawkpui hle a. Inelna hrang hrangah hian lawmman ṭha tawk tak siam a ni bawk.