2525/2023-2024

Aizawl, the 27th October, 2023: General Election to Mizoram Legislative Assembly, 2023 atana inpuahchahna kalzelah vawiin chawhnu khan Media Centre, CEO Office-ah Addl. CEO Pu H.Lianzela, Nodal Officer, Media Cell kaihhruaiin GE-MiZ '23 Social Media Influencers' Club (GESMIC) meeting neih a ni a. He hunah hian inthlan kaihhnawih mipui hriattur pawimawhte leh vote thlak theuh tura inzirtirna social media platform hrang hrang kaltlanga neih dan tur sawiho a ni.

Addl. CEO Pu H.Lianzela, Nodal Officer, Media Cell, CEO Office chuan tunlai khawvel changkang zel kentel social media platform kaltlanga election kaihhnawih leh vote tla percentage a san theih nana inzirtirna neih a pawimawh thu sawiin, ECI in remruatna hrang hrang a siamte pawh mipui hriat theih tura media hrang hrang kaltlanga puanzar nghal zel a tul a ni, a ti a. CEO Office atanga sawmna dawn ngaipawimawha hun hlu tak senga lawmman beisei lo a meeting tura kalte inpekna fakawm tiin, inthlang ram Democracy-a khua leh tui nihna anga mawhphurhna tha taka an hlen avangin lawmthu a sawi bawk.

Vawiin GEISMIC thukhawmah hian Deputy CEO Pu Henry C.Lalrawnkima, Member Secretary, Media Cell, CEO Office leh Dr. Lallawmkima, IPRO, Media Cell, CEO Office te'n thu an sawi bawk a. Inrawnkhawmna neih niin thawhho dan turte inpawhtlang taka sawiho a ni.

He hunah hian CEO Office Media Centre-a thawktute bakah Social Media Influencers atangin Zothankimi (KimKimi Ralte), D.J Lalvenhimi (DJ-i), Teresa Rodingliani (Teresa Pachuau), Zorinsanga Sailo (Zorina Sailo), Zorinpuii Hlawndo (Tetei, Zonet Anchor) te an tel a ni.