Communication and Capacity Devolpment Unit, PHE Deptt. Mizoram buatsaihin vawiin khan YMA Sub Hqrs.Confn.Hall ah Lunglei, Lungsen leh Bunghmun RD Block huamchhunga Village Water & Sanitation Commtt te pualin Tui tih thianghlim dan leh ven that dan chungchang; a bul thut atanga inzirtina, ' Grassroot Level training on water Quality Monitoring & Surveillance Prog." neih a ni a. Er.H.Duhkima, SE, PHE Deptt. Lunglei Rural Watsan Circle chuan khuallian niin a hawng.

Er.C.Lalzidinga E.E. Planing, Rural Watsan Circle kaihhruaiah Training hawngtu Er.H.Duhkima chuan, Tui chu mihring nunna atana thil pawimawh ber anih avangin mitin in a ven thianghlim dan leh in tlaka awm tura enkawl dan an hriat a tul thusawiin, Tui hnar hnaiha Zun leh Ek In awm thinin Tui ah nasa taka natna hri a awm tir thin avangin mihring tan a hrisel lovin, tlang hrileng tam tak a siam thin niin a sawi a. Hetianga Tui hnar enkawl uluk loh avang hian India ram ah kum tin mi maktaduai 1 leh nuai 6 chuangin natna chi hrang hrang an vei phah thin ani, a ti.

Er.H.Duhkima chuan, Khawvel ah Super Power neia India a awm theihlohna chhan chu a ram mipuiten Tui thianghlim In tur an dawn thinloh vang ani tih hria in, sawrkar laipui chuan ram pumah Swachh Bharat Mission leh CCDU hmangin beihpui a thlak mek tih a sawi a. Hei hian mitin in Tui in tur thianghlim an hmuh a, natna laka an himna tura tih anih thusawiin, veng hrang hranga Village Water & Sanitation Commtt.member te leh YMA leh MHIP aiawh kalkhawmte chu an khaw tui tlan ah theuh thik thu nei chhe tur leh mipuiten mahni ta anga an Tui lakna hmun te an enkawl thianghlim theihna turin an thil zir leh hriatte chu thahnemngai taka zirtirna pe chhawngtu a tang theuh turin a chah a ni.

Vawiin Training ah hian Khawtlang tui lakna chungchanga PHE Deptt.hmalakna leh a enkawl zuina a khawtlang mawhphurhna tih te, Tui, Sanitation leh hriselna inkungkaih dan tih te leh Tui ziarang leh a endik chungchang ah te mithiam ten zirtirna pe in, zawhna leh chhanna hun hman ani bawk.