Sorkar laipuiin rampuma naupang zawng zawngten Sahbawn hmanga kut fai taka an silna tura inzirtirna run pui Global Hand Washing Day chu vawiin khan SSA Mission Lunglei Dist. buatsaihin, Gov't M/S - II Elect.Veng ah neih a ni. Global Washing Day hi Ministry of Human Resources and Devolpment chuan Oct.ni 15 a hman turin ruat mahse, Oct.ni 15 chu sorkar chawlh anih avangin SSA Mission Lunglei Dist.chuan vawiin khan Gov't M/S - II Elect.Veng ah he hun hi an hmanng a ni.

Vawiina Global Washing Day hmanna hun kaihruaitu Pu Kawlkunga Kawlni, Dy.DPC SSA Mission Lunglei chuan Global Washing Day hman chhan leh Kut silfai pawimawhna hrang hrang a sawi a. Sahbawna kut silfai in hriselna mi a tanpui theih dan te leh natna laka mi a ven theih dan te chipchiar takin kalkhawmte a hrilh a ni.

Pu Zosangliana, DPC SSA Mission Lunglei pawhin, Kut silfai chu mi zawng zawng ban phak anih thusawiin, Sahbawn leh tui thianghlim hmanga kut silfai thin ten natna an pumpelh nasa thu leh mitin in chin thana neih a pawimawh thu a sawi a ni. vawiina Global Washing Day hmanna ah hian SSA hotute chuan Silul naupangte hnenah kut silfai dan dik zirtir in, atak ngeiin an sil pui nghal a ni.