Vawiin khan Pu Lalrinmawia Ralte, Minister of State, Chairman, Sub-Committee on Green Mizoram nibawk kaihhruaina in a office chamber-ah meeting pawimawh tak neih a ni a. He meeting-ah hian member thahnem tak an tel a ni.

Pu Lalrinmawia Ralte, Minister of State, Chairman, Sub-Committee on Green Mizoram chuan kum 16 lai Green Mizoram kan lo hman tawhna ah theih tawp chhuahin thing tiak thahnem tak kan lo phun tawh a, a lawmawm hle rualin a enkawl zuina lamah tan kan lak a ngai a, kuminah pawh Green Mizoram 2015 kan hmang leh dawn a, hetah hian phun tam lam aiin phun nun lamah hmalak a tul thu leh tha taka enkawl zui a tul dawn thu uar takin a sawi a ni.

Sub-Committee Meeting chuan State Level Committee on Green Mizoram a thlen turin rawtna engemaw zat a rel a, Green Mizoram Day, 2015 official a hawnna Hmuifang Tourist Complex-ah June 11, 2015 hian buatsaih nise, hawng turin Pu Lal Thanhawla, Chief Minister, Chairman, State Level Committee on Green Mizoram sawm nise, kumin 2015 Green Mizoram Thupui atan ‘I dam khawchhuah nan thing phun rawh’ tih hman nise, Green Mizoram Logo neih ngei tha tiin hei hi Environment & Forest Department in lo buaipui se, Green Mizoram Day 2015 hmanni 11th June, 2015 hian kangmei ven kawnga hnathawk tha thlanchhuahte (Awardee) hnenah lawmman hlan nise, Village Level a thlanchhuah te chu District Level Committee in semin District aiawha thlanchhuah (Awardee) te chu Green Mizoram Day hawnna pui ber Aizawla neih ah sem nise tih te bakah kum dang ang bawkin Chairman, State Level Committee leh Sub-Committee Chairman ten media hrang hranga puandarhna nei leh se, bulk sms leh scroll hmanga mipuite zirtirna buatsaih leh nise tih te rel a ni a, hei hi State Level Committee on Green Mizoram ah thlen leh a ni ang.

He meeting ah hian Pu Lalthangliana Murray IFS, CCF, Member Secretary on Green Mizoram in kum kalta lama hmalak tawh dante chipchiar takin a sawi bawk.