Nimin Dt 5.6.2013 chawhnu dar 2:00 khan District Level Committee on Green Mizoram, Mamit chu Pu V. Lalremthanga IAS District Bawrhsap hovin a office Chamber ah an thukhawm.
He meeting-ah hian State Level Committeee ruat lawk angin Green MIzoram Day 2013 chu June 11, 2013 hian, Districy Hqrs ah te, RD Block leh Forest Division hmunah te uar taka hman ni se District Hqrs ah chuan Mamit charkawnah zing dar 7;30 ah Green Mizoram Day hawnna inkhawm neih ni se, Pu V. Lalremthanga, IAS District Bawrhsap chu khuallian tura ruat a ni.chhun lamah Mamit to Bairabi road-ah Mamit-a sawrkar hnathawk zawng zawng te, khawtlang hruaitute leh Tlawmngai pawl ten kum hmasa lam thingphun tawh sa enkawl zui hna leh phun belh hna thawkin Bualzau khawthleng thingtiak phun tura rel a ni bawk.
Mamit to Bairabi Road-a khaw awm Damdiai, Vawngawnzo leh Suarhliap khuate’n an ram chhung kawngpui dung theuhah thing tiak hi phun ve tura rel a ni bawk.
District Level Committee chuan thing phun a lo hlawhtlin zawk theihna turin Monitoring Proforma duanga Agency hrang hrangte hnathawh dan hun bi nei taka endik hna thawk turin a rel bawk a ni.
Pu Lallianzuala, DFO,Mamit Member Secretary chuan report pe-in Green Mizoram Programme hnuaiah kum 1999-2012 chhungin thiangtiak 43,036 phun a ni tawh a, Mizoram District Pariat zingah Green Mizoram Programme tihlawhtling ber pawl kan nih thu a sawi bawk.
