Vawiin chhun dar 12:00 khan MIGAHTA Sub Hqrs. Serchhip te chuan Hmar veng YMA Hall-ah Special Conference an hmang a, Pu Zolawma Serchhip District Education Officer chuan khuallian niin a hmanpui a ni.

Khuallian Pu Zolawma chuan Mizoram sawrkarin theihtawp chhuahin Mizoramah World Class Education neih tumin hma a la mek a, chuvangin MIGAHTA member te pawh an awmna hmun apiangah theihtawp chhuah tur leh quality education pechhuak turin a chah a ni. Pu Zolawma chuan Adhoc Aided School zirtirtuten Mizoram Rural Bank kaltlanga hlawh an lak ve theihna turin hma lak mek a nih thu leh a hlawhtlin thuai a beiseiawm thu a sawi a, RMSA at?anga sawrkar school pangai ten kumtin grant Rs. 50000/- (Sing nga) an dawn thin ang chu Adhoc Aided High School te huamteltir an ni ve tawh dawn tih a sawi bawk.

MIGAHTA Sub Hqrs. Serchhip District Special Conference hian Resolution pahnih an passed a, chungte chu :-

1. MIGAHTA Special Conference-in ‘June 30, 2013 ral hma ngeiin Adhoc Aided High School te hi Mizoram Sawrkarin min Provincialised rawh se’ tih resolution a lo siam tawh chu kan thlawp tlat a, min tihhlawhtlinsak ngei turin sawrkar kan phut tlat a ni.

2. MIGAHTA General Headquarter hian provincialised kan nawr chungchanga kan hma lakna tur (Action Plan) tak siam se, rual khai taka hma kan lak theih nan June 25, 2013 ral hma ngeiin Adhoc Aided High School tinah hriattir vek rawh se.

He special conference hi an pawl Chairman Pu B. Vanlalsawma’n a kaihruai a, chawhnu lamah sawihona hun neiin chawhlui an kilho nghal a ni.