Mizoram pum a thingphun beihpui thlakna kum 1999 atanga neih thin chu, kumin pawh hian Mizoram hmun hrang hrang ah hman a nih rualin, Kolasib District ah pawh hman a ni a, Circuit House Complex Banglakawn, Kolasib ah a huhova thingphun na neih a ni. Kolasib District Green Mizoram puala programme chu Pu PC Zoramsangliana MLA hovin hman a ni.

Pu PC Zoramsangliana chuan kalkhawmte chu Green Mizoram Day chibai a buk in, Pathian thilsiam mawi tak tak te chu enkawlna kawngah mitin ten mawhphurhna sang tak kan nei a ni tih hre nawn fo turin a chah a, sawrkar hma lakna piah lamah thing phun uar a kan ram boruak ti thianghlim tur a mimal thahnemngaihna nei turin mitin te a chah a ni. “Keimah ni lo chuan kan ram hi tu in nge enkawl ang”tih rilru a vawng reng turin Department hrang hrang leh NGO lo kal khawm te chu a chah. Khuallian chuan hetiang programme pawimawh tak a bial chhunga ruahman chu lawmawm a ti a, Programme dang pawimawh alo ruahman te pawh ‘thulh a he hun hmang thei a’ a awm chu lawmawm a ti takzet a ni. Vawiin a thupui atan chuan thing phun hnem quantity aia thingphun tha quality ngaih pawimawh zawk tur nise, thingkung za nga (500) chauh phuntur ni mahse tha tak a kan enkawl chuan a hlawhtling ngei ang ti in kalkhawmte chu a enkawlna kawnga thahnem ngai turin a chah a, heng thing phun te enkawl zuina tur hian cheng  singhnih (Rs 20000) Divisional Forest Officer (DFO) hneh ah a hlan a ni.

Khuallian chuan District chhung a ram kang venna kawnga titha zual te lawmman hlanna a nei nghal a, hetiang hian ram kang venna kawnga titha te lawmman hlan a ni.

1)      Thingdawl V/C                   - pawisa fai cheng sing nga    (Rs 50000) leh certificate

2)      Bilkhawthlir North V/C         - pawisa fai cheng sing thum (Rs 30000) leh certificate

3)      Lungdai V/C                        - pawisa fai cheng sing hnih   (Rs 20000) leh certificate

Green Mizoram Day 2016 hmanna programme hi Pu Lalremsanga Additional DC in a kalhruai a, Pu Vanlalena IFS, Divisional Forest Officer in report pe in kum 1999 atang khan Kolasib District chhungah thingtiak , nuai khat sing ruak sang nga zakua paruk (165906) phun tawh a ni a, heng zing a 100 zela 70 vel chu a nung ni a chhut a ni.