Green Mizoram Day 2016 chu Mamit-a LAD conference Hall ah a hawnna hun hman a ni a. Hawnna Inkhawm hi Pu PC.Lalchunglura Addl SP in a kaihruai.

He hunah hian khuallian Pu H.Lianzela Adll DC Mamit chuan, Hmangaihtu neilovin reitak  kan nung thei a,  thing leh boruak tha awmlo chuan kan nung rei theilo ani tiin, Sorkarin tilo mahse thingphun hi mimal tinte mawhphurhna a ni a ti a.Thingphun  ringawt lovin  enkawlzui turin kalkhawmte a chah a. Mamit District mipuite thawhrimna avanga Mizoram District pariat zinga kangmei venna kawnga thawk thabera thlan kan ni chu thil lawmawm tak a ni, a ti.

He hunah hian khuallian hian Kum 2015 chhunga ram kang vengtha lawmman sem nghalin, pakhatna Tuidam, Pahnihna Chungtlang, leh Pathumna Kanghmun te an ni. Lawmman pakhatna hian Rs 50000 pahnihna hian Rs 30000 leh pathumna hian Rs 20000  an dawn bakah chawimawina thuziak an dawng vek bawk.

He hunah hian Pu Lalnunsanga DFO Member Secretary chuan report pein kum 1999 atanga 2015 chhungin  Mamit-ah thingtiak 50000 phun anih tawh thu a tarlang.

Hawnna hun hman zawh hian Mamit leh Pathiantlang inkar kawngah sorkar department hrang hrang leh YMA,MJA ten thing 200 an phun a ni.