Vawiin khan Green Mizoram Day 2019 chu Mamit Khawpui bakah District chhung Range Office hrang hrangah thingtiak phun hnatlang neiin hman a ni a. Mamit khawpuia Green Mizoram Day hawnna hun hi Chhimveng YMA Hall-ah neih niin Pu Jacob Lalawmpuia Addl DC chuan khuallian niin a hmanpui.

Hawnna thusawiin Pu Jacob-a chuan Mizoramah Green Mizoram Day chu kum 1998 atanga hman tan a ni a, thingtiak tam tak phun tawh niin Mamit District-ah pawh kum 1999 atang khan Green Mizoram Day hi kumtin hman chhoh a ni a. Thingtiak thahnem tak kan phun tawh a, kan thingtiakte an puitling em tih chu kan in zawhna nise, kumina Green Mizoram Day-a kan thingphun turah pawh uluk taka ngaihtuahna hmang chungin tha thlawn seng lo tur leh, nakin lawka hnawk mai thei tur nilova kawngpui tibuai lo zawnga nung ngei tur leh uluk taka phun turin kalkhawmte a chah a ni.

Mithiam zawk te'n an zirchian danin thing leh mau kan humhalh lohin a hrin rambua avanga kan chenna khawvel lo danglam chho zel leh a kum tela lum lam a pan chho mek veng turin kan tih theih tawk theuhah ngaihtuahna hmang turin a chah bawk.

Pu Lalnunsanga, Khawlhring  DFO Mamit chuan kum 1999 atanga 2018 thleng Mamit khawpui leh a chhehvelah thingtiak 107477 phun ni tawhin kumin hian Sawrkar Department, Tlawmngai pawl hrang hrang leh khawtlang hruaitu, Zirna in etc te chuan NH 44A kawngpui dungah thingtiak 450 phun tura ruahman anih thu sawiin State Level Fire Prevention Award kangmei veng tha lawmman hi Mamit District chuan pakhatna leh pahnihna kan lo la tawh a, kumin hian lawmman pathumna kan lak leh thu a tarlang a. Green Mizoram Programme hnuaia kangmei veng tha khua thlanchhuahte lawmman khuallian hian a sem nghal bawk. Pakhatna Reiek niin pahnihna Pukzing leh pathum a S. Sabual te an ni a. Lawmman hian chawimawina thuziak leh pawisa fai thahnem tak a keng tel a ni.

Hawnna hun hi Pu K. Lalthanzama, Vice President Sub Hqrs YMA chuan kaihruaiin Pu Shashank Jaiswal, IPS SP Mamit chuan thusawiin, Pi Lalhlimpuii, SO Mamit kaihruaina in Green Mizoram Day thutiam sawi rualna kalkhawm te'n neih a ni bawk.

Green Mizoram Day, 2019 pual hian Mamit Officers' Club te'n thiangtiak pathum an sponsored chu OB te'n an phun nghal a, MOC bakah hian Department Head leh mimal engemaw zatin thingtiak hi an sponsored bawk a ni.