Green Mizoram Day hman a Mizoram Police hmalakna hrang hrang Police Public information Officer thuchhuah -
Green Mizoram Day hi kumtin in Mizoram Police pawhin hmang tangkai ve thin in thing, thlai, thei leh Pangpar lam chi te kan hmun hma leh vantlang hmun ah te phun thin ani a. Kumin ah pawh hian Unit hrang hrang ten kan theih ang tawk theuhin Green Mizoram Day, Dt. 11.06.2018 den chhen hian Thingphunna te neih ani a, hetiang hi kan hmalak dan tlangpui Report kan dawn te ani:-
1. 3rd Bn MAP, Mualpui: Kar hmasa atang khan dt. 11.6.2018 thlengin an mahni complex, Mualpui ah Thing chi hrang hrang, Chawmzil, Theihai, Khuangthli, Saron Pangpar etc kung 1000 (sangkhat) vel an phun a ni.
2. Champhai DEF : SP Office, Champhai PS, Ngopa PS, Khawzawl PS, Dungtlang OP leh Zokhawthar OP staff ten an mahni complex theuh leh vantlang hmun, kawngpui dung ah te thing tiak 105 (zapanga) an phun ani.
3. Lunglei DEF: Police Deprtment ten SP Lunglei hovin thing tiak engemawzat Pukpui area ah an phun a, Hnahthial ah SDPO hovin thingtiak 25 (sawmhnihpanga) an phun bawk.
4. Lawngtlai DEF: SP Lawngtlai hovin thingtiak phunna ah Police staff te telin thing engemawzat phun ani.
5. Siaha DEF: Police staff ten Police complex leh family Quarters bul vel ah te thingtiak 80 (sawmriat) an phun ani.
6. Serchhip DEF: Police staff ten Khawtetlang SP bungalow complex ah thingtiak engemawzat an phun ani.
7. Kolasib DEF: SP kolasib, Kolasib PS, Vairengte PS, Kawnpui PS, Bairabi PS leh Bilkhawthlir OP staff ten thingtiak 192 (za sawmkua pahnih) lai an phun ani.
8. 5th IR Bn. Lungverh : An mahni complex Lungverh vel ah thingtiak 263 (zahnih sawmruk pathum) an phun a ni.
9. 2nd Bn. MAP, Lunglei: Nikum lama thing an phunsa te enkawlin / a bul tifaiin thingtiak 60(sawmruk ) anm phun belh bawk a. Forest Department atanga thing tiak lak belhin 400-500 vel phun belh leh mek ani.
10. Mamit DEF : SP mamit leh staff te, Mamit PS staff ten Vawngawnzo bul ah leh hmun dangah thingtiak an phun sa te enkawl a, abul sam fai bakah 7(pasarih) an phun belh bawk.
11. MPRO : MPRO staff Aizawl, Lunglei leh Kolasib ami te pawhin thingtiak hi dt. 8.6.20118 leh 11.6.2018 hian hmun hrang hrangah an phun a. Aizawl Ramthar veng, Chite, MPRO Technical Training School, Durtlang, Kolasib PS complex ah te an phun a ni.
12. 4th IR Bn, Luangpawl : CO leh staff ten Vawngawnzo lam ah thingtiak 10(sawm) an phun a, Battalion complex, Luangpawl ah 50(sawmnga) an phun bawk.
13. 1st Bn. MAP, Armed Veng: Thingtiak 200 vel leiin Battalion complex leh veng chhungah phun tura hma lak mek ani.
Thing leh maute nasa zawka humhalh leh phun belh zel tura hmalak hi Mizoram Police chuan kan inzirtirna pawimawh tak pakhat ani e.
