Bung Bangla, Zemabawk Quary chim chungchangah a hnuai ami ang hian Police Public Relations Officer chuan thuchhuah a siam -

Vanduaithlak takin ni 12.5.2018 (Inrinni) khan mimal, Private Stone Quary, Bung Bangla, Zemabawk ami chu a chim a, hei hian mi pali (4) delhin an nunna hlu tak a laksak a ni. Chungte chu - (1) Munga (40yrs.), ( 2) Linda Zorinpuii (32 yrs.), ( 3) Lalremzovi (lOyrs.) & (4) Linda Hmingthianghlimi (14 yrs.). Hemi avang hian District Magistrate order hmangin Joint Inspection Team din niin, uluk taka Stone Quary chim chhan te chhui chian ani a. Joint Inspection Report a alan dan in he Quary neitu te hian phalna (explosive licence) nei lovin lung lak nan Explosive an hmang ngei a, chuvangin section 7 of the Explosive Rules, 2008 an bawhchhia a. Tin, Geology & Minerals Resources Department ten The Mines Act, 1952 hnuaia 'Safety instruction & regulations' an siam te chu zawm anilo niin an hmu a. He chhiatna chung changah hian Quary neitu leh Lung latute hian fimkhur tawk lohna leh dan bawhchhiatna an nei ngei ni a alan avangin Sub-Divisional Magistrate, Aizawl District chuan Bawngkawn Police Station- ah FIR a thehlut ta ani. 

He FIR thehluh anih ang hian Bawngkawn PS Case No. 127/2018 Dt. 12.6.2018 U/s 304A/427 IPC R/w u/s 3 of Explosive Substances Act & u/s 68 of Mines Act, 1952 ziahluh ani ta ani. Ngun taka Police investigation tih ani anga, investigation report zawh anih hnu ah Court-ah Charge sheet submit ani ang. 

Hetiang thil duhawmlo hi athlen tawh lohna turin leh kan za vaia kan him zawk nan Police Department chuan mitin te fimkhur tur leh dan leh dun te pawisa a, zawm thin turin kan in chah tak meuh ani.