Green Mizoram Day 2016 Mamit-a hman dan tur ngaihtuahin vawiin khan DC Conference Hall, Mamitah Committee Chairman Pi Lalbiaksangi, District Bawrhsap hovin rel a ni.

Meeting hian Green Mizoram Day hi ni 11 June ah LAD Conference Hall-ah hawnna hun hman ni se tih a ni a, Programme kimchang committee hian a duang nghal . Kumin Green Mizoram Day ah hian Sorkar Department hrang hrang leh Tlawmngai pawl hrang hrang ten Mamit to Bairabi kawng leh khawpui chhung hmun remchangah thing tiak phun leh tura ruahmanna siam a ni a, thing tiak phun belh bakah kum hmasa lama phun tawh nung lo te phun thar leha a hungna te thawmthat ni se tih a ni bawk.

Meeting-ah hian Member Secretary Pu Lalnunsanga, DFO Mamitin report a peka a lan danin kum 1999 atanga Green Mizoram Day hman a nih atangin thingtiak 51865 phun a nih tawh thu a tarlang a, Kumin Green Mizoram Day thupui atan “Thingphun la, Boruak thianghlim siam rawh” tih hman a ni ang.