731/2023-2024

Aizawl, the 9th of June 2023: Kumin hian Green Mizoram Day chu Pathianniah a tlak tak avangin vawiinah he ni pawimawh tak hi Mizoram hmun hrang hrang hman a ni. Midangte rualin, Governor Dr. Hari Babu Kambhampati leh Lady Governor Dr. Jayashree Kambhampati  te chuan Green Mizoram Day program hmang veiin Circular Lawn sir, Raj Bhavan-ah Theihai tiak an phun. 

Green Mizoram Day puala thingphuntute zawng zawng chungah Governor Dr Hari Babu Kambhampati chuan lawmthu a sawi hmasa a. Governor chuan midang ten Mizoram min hmuh dan chu thing leh mai awm tamna, hmun hring leh ecosystem tha tak awmna a nih thu a sawi. Khawvel pum huapin Kan chhehvel boruak chhe mek zel hi vei a hlawh tawh a. Thing leh mai chereu nasa lutuk avanga Khawvel sik leh sa danglam chho mek leh boruak lum chho ta zelah a siamthat hna nasa taka thawh a ngai a ti. Mizoramah pawh kan chenna khawvel tuamtu boruak siam that hna hi thingphun a ni emaw, vawikhat hman sarang hman loh chungchangah leh green initiative dangah te kan theihna zawnga te lo zawm a, tha lo thawh ve zel hi kan mawhphurhna a ni a ti.

Green Mizoram Day pual hian Governor Dr Hari Babu Kambhampati chuan, "Khua leh tui zawng zawng te chu kumtin,  kum khatah thing tial pakhat tal emaw a aia tam, phun ziah turin ka ngen a ni", tiin ngenna a siam. 

Attachment

  • Loading attachment...