732/2023-2024

Siaha; the 9th June,2023: District Level Green Mizoram Day Committee,Siaha District in a lo rel tawh angin, tukin chawhma dar 9:30Am khan MADC Forest Hall-ah Green Mizoram Day-2023 hawnna inkhawm neih a ni. GMD-2023 hawnna inkhawm hi Pi B. Malsawmtluangi SDO(S) in a kaihruai a, Pu Tiahlei Syuhlô, EM(EF&CC),MADC chu khuallian a ni.

Khuallian Pu Tiahlei chuan thu sawiin, Kumin Green Mizoram Day thupuiin 'Thing Phun ila, i enkawl.zui ang u' a tih ang hian thingtiak phun chauh ni lovin, a enkawl zui lamah rilru leh tha kan sen a ngai tawh tak zet a ni, a ti.Thingphun hi tuihna siamtu a ni, tih kan hriat theuh angin, Tuihna ti tam tur leh kan sik leh sa ti nuam tura hmalak hi Dept. Pakhat emaw Pawl pakhat emaw chauh kutah a awm lova, kan zavaia mawhphurna a ni tih hi hre thar leh theuh i la, thingphun i uar sauh sauh ang u, a ti.

Siaha Distric Green Mizoram Day, 2023 celebration committee Secretary leh DCF, EF&CC, MADC ni bawk Pu Thaly T.Azyu chuan report pein,Kuminah hian Siaha district-ah ram kang vawi 214 a awm a, Ramngaw 136 Ha a zau a kangchhia a, reserved ramngaw pawh 0.9Ha zau a kangchhe tel a ni. Kumin chhunga MADC, EC&CC Dept in hmun hrang hranga thingtiak a phun tawh zat belhkhawm hi 6300 vel a ni, a ti bawk.

Green Mizoram Day-2023 hawnna inkhawmah hian Siaha district-a kum 2022-2023chhunga Kangmei laka mahni khua leh an khaw ramngaw humhalh tha ber a hnuaia khua 3 thlan chhuah te hnenah hian(Village Level Fire Prevention Award) chawimawina thuziak leh tangkafai hlan an ni.

1st Prize--Theiva hnenah Citation + Rs.50,000/-,

2nd Prize--Khopai hnenah Citation + Rs.30,000/- leh

3rd Prize--Amibyu 'B' hnenah Citation leh Rs.20,000/- te hlan an ni.

Heng bakah hian Kangmei chungchanga mipuite hnenah zirtirna pek kawnga Daily Newspaper thawhhlawk ber 3 thlanchhuah te hnenah Tangkaifai lawmman pek an ni bawk. Chungte chu:
1st prize-- Kawl Eng hnenah --Rs.3000/-,
2nd Prize--Maraland hnenah Rs.2000/- leh
3rd Prize--Moonligth hnenah Rs. 1000/- te hlan an ni.

GMD,2023 hawnna programme hmanzawh ve leh hian Gov't of Mizoram hnuaia office hrang hrang staff te chu Pawl 2 a inthenin, Siaha --Tipi Ferry kawng leh Siaha-Tisopi kawngah Thingtiak hnatlang thawhzui nghal a ni.

Tipi Ferry leh Tisopi kawngah hian Thingtiak phunna tur kawngsir (Roadside) hi MADC Forest Dept in hmun (plot / stretch) 11 ve ve a lo thlang fel sa diam a.Plot khat-ah hian office 2/3 te inkawp zelin, thingtiak hi phun a ni a.Vawiina thingtiak phun hnatlangah hian MTP pawh an tel ve a ni.

Vawiin thingphun hnatlangah hian thingtiak 1100 vel phun a ni. Siaha district GMD committee in ngenna a siam angin, office inkawp tin ten anmahni plot theuh a an thingtiak phun te enkawlzui hna chu an mawhah an la nghal vek dawn a ni.

Vawiin thingtiak phun hnatlang hi MADC Forest dept te kaihhruaina hnuaiah thawh a ni a, thingtiak leh a hungna tur mau te plot tinah an lo dahsam diam vek a ni.

Vawiin thingtiak phun te hi:- Tlaizawng, Thlado,Ngiau,Khuangthli,April Par leh Silver Oak te an ni.