3713/2023-2024

Aizawl, the 7th February, 2024: Vawiin chawhnu dar 3:00 khan Sawrkar laipuia Revenue Secretary Pu Sanjay Malhotra, GST Council-a Secretary ni bawk hoin video conference kaltlangin Goods and Services Tax (GST) chungchanga thubuai hlabuai awmte dan hnuaia mumal leh chak zawka bawhzui a nih theih nana pawimawh GST Tribunal chungchang sawihona meeting neih a ni.

He meeting-ah hian State leh UT 27 atangin Chief Secretary leh Secretary, Taxation Department-te telin Mizoram atangin Dr. H. Lianzela, Secretary, Taxation Department chu he meeting pawimawh takah hian a tel a. Pu R. Zosiamliana, Commissioner of State Tax leh Taxation Department-a Senior Officer-te'n an tawiawm bawk.

GST dan hnuaiah hian State leh UT zawng zawngte tan GST State Bench neih tura tih a nih angin tunah hian Union Government kaihhruaina hnuaiah chak taka hma lak mek a ni a. State Bench neihna tur atan hian Mizoram sawrkar pawhin hma thui tak a la tawh a ni.

He bench hi GST dan hnuaia thubuai hlabuai chinfelna tur atana ruahman ni a. Mizoram sumdawngte'n thubuai hlabuai an neih pawha Guwahati kal kher ngai lova Mizorama chinfel a nih theihna turin Taxation Department leh Mizoram sawrkar chuan Mizoram bench neih a nih theih nan hma a la char char a; hei hi hlawhtling ngei turah an ngai a ni.