Vawiin khan Guwahati High Court Chief Justice AM. Sapre chuan Kolasib District Court a tlawh a. Kolasib College venga awm, District Court building chhunga room tinte uluk takin a fang a ni.

Justice AM. Sapre hian Court chhung leh office chhungte a fan zawhin Chief Judicial Magistrate Pu Liansangzuala leh Pu H. Lalduhsanga, Judicial Magistrate Ist Class te chu a titipui a. Kolasib District Legal Services Authority in nikum 2013 chhunga Hmar chhak pumpui leh Mizoram pumpuia thawk tha ber Award a dawng chu a thinlung taka a lawmpui zia a hrilh a. An hnathawh that chu chhunzawm zel tur leh Court rorelna an kalpui danah te uluk taka ti zel turin a chah a ni.

Chief Justice hi Kolasib alo thlenin DC Pu Jitender Yadav leh sawrkar hotu dangten an lo dawngsawng a. Vawiin chhun khan DC chuan Lunch a eipui bawk a ni.

Attachment

  • Loading attachment...