National Council of Churches in India (NCCI) chuan thla leh February ni 3 & 4, 2014 hian a kum za tlin lawmna (Centenary Celebration), YMCA Building, S.N.Banerjee Road, Kolkataah  an nei dawn a, he lawmnaah hian Chief Minister Pu Lal Thanhawla chu Khuallian ni turin NCCI General Secretary Rev Dr. Roger Gaikwad chuan a rawn sawm a. Pu Lal Thanhawla nupui Pi Lal Riliani chu Khualzahawm tura sawm a ni bawk a, he hun telpui tur hian Chief Minister te nupa hian naktuk ni 1st February 2014 Inriini khian Aizawl chhuahsanin Kolkata an pan ang.

He kum za tlin lawmna hriatrengna Souvenir chhuah turah  Chief Minister Pu Lal Thanhawla chu Committee Member-ah ruat a ni a, a ni hnihnaah hian ‘Vision for the Post Centenary of the NCCI’ tih thupui hmanga thusawi tura beisei a ni bawk. He hun lawmnaah hian India ram chhunga hmun hran hran atangin Christian palai engemawzah kal tura beisei an ni a, India ram pawn atang pawha palai engemawzah tel tura beisei an ni bawk.